ઉત્તર પ્રદેશના ગાઝિયાબાદમાં ૯૦ હજાર રૂપિયાના ભાડાની ઉઘરાણી મામલે મકાન માલિક દંપતીએ તેમની જ ભાડુઆત યુવતીની હત્યા કરી નાખી હતી.

ઉત્તર પ્રદેશના ગાઝિયાબાદમાં આવેલી રાજ નગર એક્સટેન્શન સોસાયટીમાં એક ચોંકાવનારો કિસ્સો સામે આવ્યો છે. અહીં રહેતી દીપશિખા નામની યુવતી તેના મકાન માલિક અજય ગુપ્તાના ઘરે ભાડાના હિસાબ માટે ગઈ હતી. દીપશિખા પાસે મકાનનું આશરે ૯૦ હજાર રૂપિયા ભાડું બાકી હતું. આ બાબતે અગાઉ પણ તેમની વચ્ચે ઝઘડો થયો હતો. તારીખ ૧૭ ડિસેમ્બરના રોજ જ્યારે દીપશિખા ત્યાં પહોંચી ત્યારે ઉગ્ર બોલાચાલી બાદ ગુસ્સામાં આવીને અજય ગુપ્તા અને તેની પત્ની આકૃતિએ મળીને દીપશિખાની હત્યા કરી નાખી હતી. પોલીસે આ મામલે તપાસ હાથ ધરી આરોપીઓની ધરપકડ કરી છે.