આંતરરાષ્ટ્રીય મોરચે એક મોટી ઘટનામાં વેનેઝુએલાની સેનાએ સત્તાવાર જાહેરાત કરી છે કે શનિવારે અમેરિકા દ્વારા કરવામાં આવેલા સૈન્ય ઓપરેશનમાં તેમના ઓછામાં ઓછા ૨૪ સુરક્ષા અધિકારીઓ માર્યા ગયા છે. આ હુમલાને વેનેઝુએલાના એટર્ની જનરલે સખત શબ્દોમાં વખોડતા તેને "યુદ્ધ અપરાધ" ગણાવ્યો છે અને તાત્કાલિક તપાસના આદેશ આપ્યા છે. આ હુમલામાં અનેક નાગરિકોના પણ મૃત્યુ થયા હોવાની આશંકા છે, પરંતુ ચોક્કસ આંકડો હજુ સ્પષ્ટ થયો નથી.