હવામાન વિભાગના જણાવ્યા અનુસાર, ઉત્તરાખંડના પહાડી વિસ્તારોમાં થઈ રહેલી હિમવર્ષાને કારણે મેદાની વિસ્તારોમાં ઠંડીનું જોર વધ્યું છે. દિલ્હી, ઉત્તર પ્રદેશ, બિહાર, પંજાબ અને હરિયાણામાં ગાઢ ધુમ્મસ છવાયેલું રહે છે અને વિઝિબિલિટી ઘટીને ૧૦૦ મીટરથી પણ ઓછી થઈ ગઈ છે. 

ઉત્તર પ્રદેશમાં લઘુત્તમ તાપમાન ૩ ડિગ્રીની નજીક પહોંચી ગયું છે. આ શીતલહેરની અસર ગુજરાતમાં પણ જોવા મળી રહી છે, જ્યાં સવાર-સાંજ લોકોને કડકડતી ઠંડીનો સામનો કરવો પડી રહ્યો છે.