ઈતિહાસમાં 'ટાઈફોઈડ મેરી' તરીકે કુખ્યાત બનેલી મેરી મેલોન નામની રસોઈયા મહિલાની સત્યઘટના, જેણે જાણતા-અજાણતા અનેક લોકોને ટાઈફોઈડનો શિકાર બનાવ્યા હતા.

સ્વાસ્થ્ય જગતના ઈતિહાસમાં મેરી મેલોનનું નામ એક રહસ્ય અને ચેતવણી તરીકે લેવામાં આવે છે. વીસમી સદીની શરૂઆતમાં અમેરિકામાં મેરી મેલોન નામની મહિલા શ્રીમંત પરિવારોમાં રસોઈયણ તરીકે કામ કરતી હતી. તે પોતે સ્વસ્થ દેખાતી હતી, પરંતુ તે ટાઈફોઈડના બેક્ટેરિયાની 'કેરિયર' (વાહક) હતી.

​મેરી જ્યાં પણ રસોઈ બનાવવા જતી, ત્યાં થોડા દિવસોમાં ઘરના સભ્યો બીમાર પડવા લાગતા. તપાસમાં બહાર આવ્યું કે તેણે બનાવેલી રસોઈ અને ખાસ કરીને તેણે બનાવેલી 'પીચ આઈસ્ક્રીમ' દ્વારા આ રોગ ફેલાતો હતો. 

મેરી પોતે માનવા તૈયાર નહોતી કે તે બીમાર છે કારણ કે તેને કોઈ લક્ષણો નહોતા. તેણે સેંકડો લોકોને ચેપ લગાડ્યો હોવાનું મનાય છે. છેવટે, સ્વાસ્થ્ય વિભાગે તેને પકડીને એક ટાપુ પર ક્વોરેન્ટાઈન (એકાંતવાસ)માં રાખી હતી, જ્યાં તેણે જીવનના છેલ્લા ૨૩ (ત્રેવીસ) વર્ષ કેદ જેવી સ્થિતિમાં વિતાવ્યા હતા.