ઈરાનમાં ચાલી રહેલા વિરોધ પ્રદર્શનો વચ્ચે અમેરિકી રાષ્ટ્રપતિ ડોનાલ્ડ ટ્રમ્પે ઈરાનના શાસકોને કડક શબ્દોમાં ચેતવણી આપી છે. ટ્રમ્પે જણાવ્યું હતું કે અમેરિકા ઈરાનની પરિસ્થિતિ પર બારીકાઈથી નજર રાખી રહ્યું છે. તેમણે સ્પષ્ટ ચેતવણી આપી છે કે જો ઈરાન સરકાર વિરોધ કરી રહેલા લોકોને નુકસાન પહોંચાડશે અથવા માનવાધિકારોનું હનન કરશે, તો અમેરિકા હસ્તક્ષેપ કરશે. ટ્રમ્પે આક્રમક અંદાજમાં કહ્યું હતું કે, "અમે ત્યાં મારીશું જ્યાં તમને સૌથી વધુ દર્દ થશે." આ નિવેદન બાદ બંને દેશો વચ્ચે તણાવ વધવાની શક્યતા છે.