નવી દિલ્હી: ભારતીય અર્થતંત્ર માટે વર્ષ ૨૦૨૬ ની શરૂઆતમાં એક ચિંતાજનક સમાચાર સામે આવ્યા છે. પ્રાપ્ત આંકડાઓ અનુસાર, વર્ષ ૨૦૨૬ ના પહેલા જ સપ્તાહમાં ભારતના વિદેશી મુદ્રા ભંડાર (ફોરેક્સ રિઝર્વ) માં મોટો ઘટાડો નોંધાયો છે. માત્ર એક સપ્તાહની અંદર જ વિદેશી મુદ્રા ભંડારમાં આશરે ૧૦ અબજ ડોલરનો ઘટાડો થયો છે. આ ઘટાડા પાછળ આંતરરાષ્ટ્રીય બજારમાં કરન્સીની વધઘટ અને રિઝર્વ બેંક દ્વારા રૂપિયાને સ્થિર રાખવા માટે કરવામાં આવેલી દખલગીરી કારણભૂત હોઈ શકે છે.