ફરીદાબાદ તા.૧૦: હરિયાણાના ફરીદાબાદમાં ડબુઆ કોલોનીમાં રહેતી કવિતા નામની એક મહિલાને જાંઘ પાસે એક ગૂમડું થયું હતું. આ ગૂમડું કેમેય મટી જ નહોતું રહ્યું. ગૂમડું કાપવા માટે તે નજીકમાં આવેલી સર્વોદય હોસ્‍પિટલમાં ગઈ. ડોક્‍ટરોએ કટ મૂકીને ગૂમડું ફોડ્‍યું તો એમાંથી ખૂબબધા પસ ઉપરાંત લોહીના ફુવારાની સાથે એક બુલેટ પણ નીકળી આવી હતી. ડોક્‍ટરો માટે પણ એ નવાઈ હતી. તેમણે પેશન્‍ટને પૂછ્‍યું તો ખબર પડી કે આ જગ્‍યાએ ૨૦ વર્ષ પહેલાં તેને ગોળી વાગવાને કારણે લોહી નીકળ્‍યું હતું. એ વખતે હોસ્‍પિટલમાં સારવાર દરમ્‍યાન ઘા સાફ કરી ટાંકા લઈને પાછી આવી ગઈ હતી અને એ પછી તો સારું થઈ ગયું હતું. ૨૦ વર્ષ બાદ એ જ જગ્‍યાએ તેને ગૂમડું થયું. એમાં ઇન્‍ફેક્‍શન ફેલાયું અને એ એટલું મોટું થઈ ગયું કે ડોક્‍ટર પાસે કપાવવા જવું પડ્‍યું. ડોક્‍ટરોનું કહેવું છે કે ઘણી વાર બુલેટ શરીરમાં જોખમી જગ્‍યાએ ન હોય તો એને કાઢવામાં નથી આવતી. જોકે આ કેસમાં એવી શક્‍યતા વધારે છે કે ૨૦ વર્ષ પહેલાં એમાં બુલેટ જતી રહી છે એનું કદાચ નિદાન જ નહોતું થયું. આટલાં વર્ષોમાં બુલેટને કારણે મહિલાને કોઈ તકલીફ પણ નહોતી થઈ એ પણ આﾍર્યજનક છે.(૩૮.૮)