જમ્મુ-કાશ્મીરના ઉધમપુર વિસ્તારમાં હિમાલયન ગીધ (વલ્ચર) નું આગમન જોવા મળ્યું છે, જે પર્યાવરણ પ્રેમીઓ માટે ખુશીના સમાચાર છે. મેદાની વિસ્તારોમાં વધી રહેલી ઠંડી અને ગાઢ ધુમ્મસને કારણે ગીધ જેવા પક્ષીઓ પહાડી વિસ્તારો તરફ સ્થળાંતર કરી રહ્યા છે.

વન વિભાગના અધિકારીઓના જણાવ્યા મુજબ, ઉધમપુરના સામરોલી વિસ્તારમાં ગીધના ઝુંડ જોવા મળ્યા છે. 

આ પક્ષીઓ કુદરતી સફાઈ કામદાર તરીકે ઓળખાય છે અને તેમનું હોવું એ તંદુરસ્ત ઈકોસિસ્ટમની નિશાની છે. શિયાળામાં ખોરાક અને સાનુકૂળ વાતાવરણની શોધમાં તેઓ અહીં આવ્યા હોવાનું માનવામાં આવે છે.