ચુસ્ત સુરક્ષા વ્યવસ્થા વચ્ચે અમિતભાઈ શાહે મંદિરમાં ભગવાન વિષ્ણુના આશીર્વાદ લીધા હતા. તેમણે મંદિરના પૂજારીઓ સાથે વાતચીત કરી હતી અને મંદિરની વાસ્તુકળાની પ્રશંસા કરી હતી. ભાજપ હંમેશા દક્ષિણ ભારતમાં પોતાની રાજકીય યાત્રાને સાંસ્કૃતિક મૂલ્યો સાથે જોડીને આગળ વધારવાનો પ્રયાસ કરતું આવ્યું છે. અમિતભાઈની આ મંદિર મુલાકાત પણ એ જ કડીનો એક ભાગ છે, જે રાજ્યના લોકો સાથે ભાવનાત્મક અને ધાર્મિક જોડાણ સાધવાનો પ્રયાસ છે. 

મંદિર પરિસરમાં મોટી સંખ્યામાં લોકો અને પક્ષના કાર્યકરો તેમને જોવા માટે એકઠા થયા હતા.