નવી દિલ્‍હી તા.૧૨: નાણા મંત્રાલયે આગામી બજેટ માટે તેમના સૂચનો મેળવવા માટે રાજ્‍યો અને વિવિધ ક્ષેત્રોના નિષ્‍ણાતો અને પ્રતિનિધિઓ સાથે મુલાકાત કરી છે. મોટી સંખ્‍યામાં લોકો ઓનલાઈન સૂચનો સબમિટ કરી રહ્યા છે. અત્‍યાર સુધીમાં, ક્રિપ્‍ટોકરન્‍સી પરનો ટેક્‍સ ઘટાડવા અને તેના પર દેખરેખ રાખવા માટે પૂરતી જોગવાઈઓ કરવા અંગે સૌથી વધુ સૂચનો પ્રાપ્ત થયા છે.

કેટલાક લોકોએ સૂચન કર્યું છે કે ક્રિપ્‍ટો પર સીધો ૨૦% ટેક્‍સ લાદવો જોઈએ. તેઓ ક્રિપ્‍ટો અને બ્‍લોકચેન ક્ષેત્રો માટે સ્‍પષ્ટ, સંતુલિત અને વ્‍યવહારુ નીતિ સૂચવે છે.

હાલમાં, ૩૦% ટેક્‍સ અને ૧% ટીડીએસ નાના રોકાણકારો અને સ્‍ટાર્ટઅપ્‍સ માટે અવરોધ છે, જેને તર્કસંગત બનાવવું જોઈએ. ક્રિપ્‍ટોકરન્‍સીને ડિજિટલ સંપત્તિ તરીકે સ્‍પષ્ટ રીતે વ્‍યાખ્‍યાયિત કરવી જોઈએ અને નુકસાનને નફા સામે સેટ ઓફ કરવાની મંજૂરી આપવી જોઈએ. આ નવીનતાને વેગ આપશે, નોકરીઓનું સર્જન કરશે અને ભારત ડિજિટલ અર્થતંત્રમાં અગ્રેસર બનશે.

ક્રિપ્‍ટોકરન્‍સીના નિયંત્રિત અમલીકરણ માટે પણ સૂચનો કરવામાં આવી રહ્યા છે. કેટલાક લોકોએ સ્‍પષ્ટ કાનૂની માળખું અને વ્‍યાપક કાયદો સૂચવ્‍યો છે, જે તેની કાનૂની સ્‍થિતિ, ઉપયોગો અને મર્યાદાઓને સ્‍પષ્ટ કરે છે.

તેના પર દેખરેખ રાખવા માટે એક નિયમનકારી સત્તાની સ્‍થાપના કરવી જોઈએ. ગેરકાયદેસર પ્રવૃત્તિઓને રોકવા માટે તમામ ક્રિપ્‍ટો પ્‍લેટફોર્મ માટે KYC અને એન્‍ટી-મની લોન્‍ડરિગ (AML) નિયમો ફરજિયાત બનાવવા જોઈએ.

હાલના નિયમો હેઠળ, કર્મચારીના PF ખાતામાં વાર્ષિક રૂા.૨.૫ લાખ સુધીના યોગદાન પર મળતું વ્‍યાજ કરમુક્‍ત છે, પરંતુ કર્મચારીએ રૂા.૨.૫ લાખથી વધુના યોગદાન પર મળતું વ્‍યાજ પર કર ચૂકવવો જરૂરી છે. લોકોએ સૂચન કર્યું છે કે EPFO યોગદાન પર કર સંબંધિત જોગવાઈ દૂર કરવામાં આવે, કારણ કે આ જોગવાઈ ફરજિયાત PF યોગદાન આપનારા કર્મચારીઓને અસર કરે છે.

આ પછી, કર્મચારીઓના લઘુત્તમ પગારમાં વધારો કરવા અંગે સૂચનો આવ્‍યા છે. ઘણા લોકોએ www.mygov.in વેબસાઇટની મુલાકાત લીધી છે અને કર્મચારીઓ માટે લઘુત્તમ પગાર મર્યાદા વધારવાનું સૂચન કર્યું છે. લગભગ ૧૧ વર્ષથી લઘુત્તમ વેતનમાં વધારો ન થવાને કારણે, ચ્‍ભ્‍જ્‍બ્‍ માં લોકોનું યોગદાન મર્યાદિત છે. આવી સ્‍થિતિમાં, ખાનગી ક્ષેત્રના કર્મચારીઓને લાંબા સમય સુધી કામ કર્યા પછી પણ ખૂબ જ ઓછું પેન્‍શન મળે છે