ન્યૂયોર્ક: રક્ષા અધિકારીઓએ સીબીએસ ન્યૂઝને જણાવ્યું હતું કે રાષ્ટ્રપતિ ટ્રમ્પ સમક્ષ રજૂ કરવામાં આવેલા સૈન્ય વિકલ્પોમાં માત્ર બોમ્બમારો કે મિસાઈલ હુમલા જ નહીં, પરંતુ સાયબર ઓપરેશન્સ અને સાયકોલોજિકલ ઓપરેશન્સ (મનોવૈજ્ઞાનિક યુદ્ધ)નો પણ સમાવેશ થાય છે. આનો અર્થ એ છે કે અમેરિકા ઈરાનની સિસ્ટમ્સને હેક કરીને અથવા પ્રચાર યુદ્ધ દ્વારા ત્યાંની સરકાર પર દબાણ લાવવાનો પ્રયાસ કરી શકે છે.

દરમિયાન માનવાધિકાર ભંગના ગંભીર આક્ષેપો વચ્ચે અમેરિકાની કાર્યવાહીનું આયોજન: અમેરિકાના ગુપ્તચર અહેવાલો મુજબ, તેહરાન અને અન્ય મોટા શહેરોમાં તાજેતરમાં થયેલા દેખાવો દરમિયાન પ્રદર્શનકારીઓ પર ઘાતક બળનો ઉપયોગ કરવા માટે ઈરાનની સ્થાનિક સુરક્ષા વ્યવસ્થા જવાબદાર છે. તેથી, અમેરિકા જે મર્યાદિત હુમલાની યોજના બનાવી રહ્યું છે, તેમાં આ ચોક્કસ સુરક્ષા એકમો અને તેમના કમાન્ડ સેન્ટરોને પ્રાથમિકતા આપવામાં આવી શકે છે, જેથી સામાન્ય નાગરિકોને નુકસાન ન થાય અને દોષિતોને સજા મળે.