નવી દિલ્હી: ભારતમાં સોનાના ભાવ આસમાને પહોંચી રહ્યા છે અને સામાન્ય માણસ માટે સોનું ખરીદવું એક સપનું બની રહ્યું છે ત્યારે એક દેશ એવો પણ છે જ્યાં સોનું માટીના ભાવે વેચાઈ રહ્યું છે. અત્યાર સુધી લોકો સસ્તું સોનું લેવા દુબઈ જતા હતા, પરંતુ વર્ષ 2026 ના નવા આર્થિક સમીકરણોમાં વેનેઝુએલા 'ગોલ્ડ હબ' તરીકે ઉભરી આવ્યું છે. અહીં સોનાનો ભાવ એટલો ઓછો છે કે જાણીને તમે પણ ચોંકી જશો.
હાલમાં ભારતમાં 24-કેરેટ સોનાના એક ગ્રામનો ભાવ આશરે ₹14,048 સુધી પહોંચી ગયો છે. તેની સામે દક્ષિણ અમેરિકાના દેશ વેનેઝુએલામાં 1 ગ્રામ સોનાની કિંમત માત્ર ₹181.65 જેટલી જ છે! હા, આ કોઈ મજાક નથી. ભારતમાં જેટલા રૂપિયામાં એક નાસ્તો આવે છે, તેટલામાં ત્યાં એક ગ્રામ શુદ્ધ સોનું મળી રહ્યું છે.
વેનેઝુએલામાં આટલા નીચા ભાવ પાછળ ત્યાંની આર્થિક કટોકટી અને અતિ-ફુગાવો (Hyperinflation) જવાબદાર છે. ત્યાંના સ્થાનિક ચલણ 'બોલિવર'નું મૂલ્ય લગભગ શૂન્ય થઈ ગયું છે. પરિણામે, લોકોએ રોકડને બદલે સોનાના ટુકડાઓનો ઉપયોગ રોજિંદી વસ્તુઓ જેવી કે દૂધ, બ્રેડ કે શાકભાજી ખરીદવા માટે શરૂ કર્યો છે. સ્થાનિક ખાણોમાંથી નીકળતું સોનું ત્યાં 'ચલણ' બની ગયું હોવાથી તેનું મૂલ્ય વૈશ્વિક બજાર કરતા ઘણું નીચું છે.
 જો તમે વેનેઝુએલા જઈને સસ્તું સોનું લાવવાનું વિચારી રહ્યા હોવ, તો ભારતીય કસ્ટમ્સના કડક નિયમો જાણવા જરૂરી છે:
ડ્યુટી ફ્રી લિમિટ: વિદેશમાં એક વર્ષથી વધુ રહેતા પુરુષો 20 ગ્રામ અને મહિલાઓ 40 ગ્રામ સોનાના દાગીના ડ્યુટી ફ્રી લાવી શકે છે.
 સોનાના સિક્કા કે બિસ્કિટ પર કોઈ છૂટ મળતી નથી, તેના પર ટેક્સ ભરવો જ પડે છે.
છ  મહિનાથી વધુ વિદેશ રહેતા લોકો 1 કિલો સુધી સોનું લાવી શકે છે, પરંતુ તેના પર 6% થી 15% સુધીની ડ્યુટી લાગે છે.
વેનેઝુએલામાં સોનું ભલે સસ્તું હોય, પણ ત્યાં પહોંચવું અને ત્યાંથી સોનું સુરક્ષિત રીતે ભારત લાવવું એ કાયદાકીય દ્રષ્ટિએ મોટો પડકાર છે