યુનિવર્સિટી ગ્રાન્ટ્સ કમિશન (યુજીસી) એ દેશભરની તમામ ઉચ્ચ શિક્ષણ સંસ્થાઓને તેમના કેમ્પસમાં કોઈપણ પ્રકારના ભેદભાવને નાબૂદ કરવા માટે ‘ઈક્વિટી કમિટી’ (સમાનતા સમિતિ) સ્થાપવા કડક સૂચના આપી છે.

આ પહેલનો મુખ્ય હેતુ વિદ્યાર્થીઓ અને સ્ટાફ વચ્ચે જાતિ, જ્ઞાતિ કે ધર્મના આધારે થતા પક્ષપાતને અટકાવવાનો અને શૈક્ષણિક વાતાવરણને વધુ સુરક્ષિત અને સર્વસમાવેશક બનાવવાનો છે.

યુજીસીના આ આદેશ બાદ હવે તમામ યુનિવર્સિટીઓ અને કોલેજોએ આ સમિતિની રચના કરવી અનિવાર્ય બનશે.

આ સમિતિ કેમ્પસમાં આવતી ફરિયાદોનું નિવારણ કરશે અને સમાન તકો સુનિશ્ચિત કરવા માટે દેખરેખ રાખશે. ઉચ્ચ શિક્ષણમાં સામાજિક સમાનતા જળવાઈ રહે અને દરેક વિદ્યાર્થીને ગરિમાપૂર્ણ વાતાવરણ મળે તે દિશામાં આ એક મોટું કદમ માનવામાં આવે છે.