ઉત્તરાખંડના હરિદ્વાર જિલ્લાના ઝબરેડા વિસ્તારમાં કાળજું કંપાવી દે તેવી ઘટના બની છે. પિતા જ્યારે કામ પરથી ઘરે પરત ફર્યા ત્યારે તેમને મળવા દોડેલી ૩ વર્ષની દીકરી પિતાના જ વાહન નીચે કચડાઈ ગઈ હતી.

મળતી માહિતી મુજબ, ઝબરેડાના રહેવાસી રવિ કુમાર વ્યવસાયે લોડિંગ વાહન ચલાવે છે. સોમવારે રાત્રે આશરે ૮ વાગ્યાની આસપાસ તેઓ પોતાનું કામ પતાવીને ઘરે પરત ફર્યા હતા. રવિ કુમાર જ્યારે ઘરના આંગણામાં પોતાની ગાડી રિવર્સ લઈ રહ્યા હતા, ત્યારે ગાડીનો અવાજ સાંભળીને તેમની ૩ વર્ષની નાની દીકરી નીલમ ઉત્સાહમાં આવીને પિતાને મળવા માટે દોડી હતી. 

પિતાને ખ્યાલ ન રહ્યો અને બાળકી વાહનના પાછળના ટાયર નીચે આવી ગઈ, જેના કારણે તેનું ઘટનાસ્થળે જ મોત નીપજ્યું હતું. આ કરુણ ઘટનાને પગલે સમગ્ર વિસ્તારમાં અરેરાટી વ્યાપી ગઈ છે.