પર્યાવરણ સુરક્ષાની દિશામાં એક મોટું પગલું ભરતા ઓએનજીસી દ્વારા ગુજરાતના ગાંધાર ઓઈલફિલ્ડ ખાતે ભારતનો પ્રથમ મોટા પાયે કાર્બન કેપ્ચર પ્રોજેક્ટ શરૂ કરવામાં આવ્યો છે. આ પ્રોજેક્ટ હેઠળ પ્રદૂષણ ફેલાવતા કાર્બન ડાયોક્સાઈડને જમીનમાં ઉતારી દેવામાં આવશે.

આ પ્રોજેક્ટ અંતર્ગત દરરોજ અંદાજે ૧૦૦ ટન જેટલો કાર્બન ડાયોક્સાઈડ વાતાવરણમાં ભળતો અટકાવીને તેને એકઠો કરવામાં આવશે. ત્યારબાદ આ ગેસને જૂના અને ખાલી પડેલા તેલના કુવાઓમાં જમીનમાં ખૂબ ઊંડે ઇન્જેક્ટ કરીને દફનાવી દેવામાં આવશે, જેથી પ્રદૂષણ ઘટાડવામાં મોટી મદદ મળશે.