રોઇટર્સ સાથેની વાતચીતમાં રાષ્ટ્રપતિ ડોનાલ્ડ ટ્રમ્પે ઈરાનના વિપક્ષી નેતા અને દેશવટો ભોગવી રહેલા ક્રાઉન પ્રિન્સ રેઝા પહેલવી વિશે મહત્વપૂર્ણ ટિપ્પણી કરી છે. ટ્રમ્પે કહ્યું હતું કે, "તેઓ (પહેલવી) ખૂબ સારા વ્યક્તિ લાગે છે, પરંતુ મને ખબર નથી કે તેઓ પોતાના દેશમાં કેટલું સમર્થન મેળવી શકશે." 

ટ્રમ્પે શંકા વ્યક્ત કરી હતી કે શું પહેલવી ઈરાની જનતાને એકત્રિત કરીને વર્તમાન ઇસ્લામિક શાસનને ઉથલાવી શકશે કે કેમ. ટ્રમ્પે વધુમાં ઉમેર્યું હતું કે, "અમે અત્યારે તે તબક્કે પહોંચ્યા નથી." આ નિવેદન દર્શાવે છે કે અમેરિકા હાલમાં ઈરાનમાં સીધા શાસન પરિવર્તન માટે કોઈ ચોક્કસ વ્યક્તિ પર દાવ લગાવવા તૈયાર નથી.