ફતેહપુર,તા.૧૫: રાજસ્‍થાનના સીકર જિલ્‍લાના ફતેહપુર શેખાવતીમાં મકરસંક્રાંતિ પર એક મોટો અકસ્‍માત થયો હતો. આ અકસ્‍માતમાં એક જ પરિવારની ૬ મહિલાઓના દુઃખદ મોત થયા હતા. અકસ્‍માત સમયે કારમાં એક જ પરિવારની ૮ મહિલાઓ હાજર હતી. જ્‍યારે ડ્રાઇવર અને અન્‍ય બે લોકોની હાલત ગંભીર છે. કારમાં સવાર મહિલાઓ કારમાં ફસાઈ ગઈ હતી. ઘટનાસ્‍થળે પહોંચેલા લોકોએ મૃતદેહો અને ઘાયલોને બહાર કાઢ્‍યા. ઘાયલોને ફતેહપુરના ટ્રોમા સેન્‍ટરમાં લઈ જવામાં આવ્‍યા હતા. માહિતી મળતાં, પોલીસ ટીમ ઘટનાસ્‍થળે પહોંચી અને ક્રેનની મદદથી ક્ષતિગ્રસ્‍ત કારને રસ્‍તા પરથી હટાવી અને ટ્રાફિક પૂર્વવત કર્યો. કારમાં સવાર લોકો લક્ષ્મણગઢથી ફતેહપુર સ્‍થિત પોતાના ઘરે પરત ફરી રહ્યા હતા.

મળતી માહિતી મુજબ, ફતેહપુરમાં જયપુર બિકાનેર હાઇવે પર કૃષિ સંશોધન કેન્‍દ્રની આગળ હરસાવા ગામ નજીક આ અકસ્‍માત થયો હતો. આ અકસ્‍માત ટ્રક અને કાર વચ્‍ચે ભયાનક ટક્કરને કારણે થયો હતો. આ અકસ્‍માતમાં એક જ પરિવારની છ મહિલાઓના મોત થયા હતા. ત્રણ લોકો ગંભીર રીતે ઘાયલ થયા હતા. અકસ્‍માતમાં આર્ટિકા કાર ચકનાચૂર થઈ ગઈ હતી. કારમાં બેઠેલી મહિલાઓ અંદર ફસાઈ ગઈ હતી. ઘટનાસ્‍થળે પહોંચેલા લોકોએ મૃતદેહો અને ઘાયલોને બહાર કાઢ્‍યા હતા. ઘાયલોને ફતેહપુરના ટ્રોમા સેન્‍ટરમાં લાવવામાં આવ્‍યા હતા. મૃતકોને ધાનુકા હોસ્‍પિટલના શબઘરમાં રાખવામાં આવ્‍યા હતા. ત્રણ લોકોની હાલત ગંભીર હોવાથી તેમને સીકર રિફર કરવામાં આવ્‍યા હતા. કારમાં બેઠેલી મહિલાઓ અંતિમ સંસ્‍કારમાં હાજરી આપીને પરત ફરી રહી હતી.