આગામી ૨૬મી જાન્યુઆરી, ૨૦૨૬ ના રોજ યોજાનારા ભારતના ૭૭માં પ્રજાસત્તાક પર્વની ઉજવણીમાં યુરોપિયન કાઉન્સિલના પ્રમુખ એન્ટોનિયો લુઈસ સાન્તોસ દા કોસ્ટા અને યુરોપિયન કમિશનના પ્રમુખ ઉર્સુલા વોન ડેર લેયન મુખ્ય મહેમાન તરીકે ઉપસ્થિત રહેશે. બંને નેતાઓ ૨૫ થી ૨૭ જાન્યુઆરી દરમિયાન ભારતની રાજ્ય મુલાકાતે આવશે. આ દરમિયાન તેઓ ૧૬મી ભારત-યુરોપિયન યુનિયન સમિટની સહ-અધ્યક્ષતા પણ કરશે, જે ભારત અને યુરોપ વચ્ચેના સંબંધોને વધુ મજબૂત બનાવશે.