ભારત સરકાર પરમાણુ ઈંધણના મહત્વના સ્ત્રોત એવા થોરિયમની શોધખોળ માટેના નિયમોમાં મોટો ફેરફાર કરવા જઈ રહી છે. હવે આ ક્ષેત્રમાં ખાનગી કંપનીઓ પણ થોરિયમનું એક્સપ્લોરેશન કરી શકશે.
દેશની ઉર્જા સુરક્ષા અને પરમાણુ કાર્યક્રમને વેગ આપવા માટે કેન્દ્ર સરકાર એક મહત્વપૂર્ણ નીતિગત ફેરફાર કરવાની યોજના બનાવી રહી છે. જે અંતર્ગત, ભારતમાં થોરિયમ જેવા દુર્લભ ખનીજોની શોધખોળ (એક્સપ્લોરેશન) માટે ખાનગી ક્ષેત્રના ખેલાડીઓને મંજૂરી આપવામાં આવશે. 
અત્યાર સુધી આ ક્ષેત્ર પર સરકારનું ચુસ્ત નિયંત્રણ હતું. ભારત પાસે થોરિયમનો વિપુલ ભંડાર છે, અને જો ખાનગી કંપનીઓની મદદથી તેની યોગ્ય શોધ અને ઉત્ખનન થાય, તો ભારતની ભવિષ્યની સ્વચ્છ ઊર્જાની જરૂરિયાતો પૂરી કરવામાં તે ગેમ ચેન્જર સાબિત થઈ શકે છે.