વૈશ્વિક મનોરંજન કંપની ડિઝનીએ ભારતમાં તેનું વિસ્તરણ ચાલુ રાખતા બેંગલુરુમાં વિશાળ ઓફિસ સ્પેસ લીધી છે. કંપનીએ ઓઆરઆર બેલંદુર વિસ્તારમાં ૧.૭૪ લાખ ચોરસ ફૂટ જગ્યા ભાડે રાખી છે.
ભારતીય માર્કેટમાં પોતાની પકડ મજબૂત બનાવવાના ભાગરૂપે, ડિઝનીએ ટેકનોલોજી હબ ગણાતા બેંગલુરુમાં મોટી ઓફિસ સ્પેસ લીધી છે. 
મળતી માહિતી મુજબ, બેંગલુરુના આઉટર રિંગ રોડ (ઓઆરઆર) પર આવેલા બેલંદુર સ્થિત 'ઈકોવર્લ્ડ ૨૦' કેમ્પસમાં કંપનીએ ૧,૭૪,૦૦૦ ચોરસ ફૂટની જગ્યા લીઝ પર લીધી છે. આ પગલું દર્શાવે છે કે આંતરરાષ્ટ્રીય કંપનીઓ માટે ભારત અને ખાસ કરીને બેંગલુરુ હજુ પણ પસંદગીનું વ્યાપારી કેન્દ્ર બની રહ્યું છે.