નવી દિલ્હી: વિદેશી રોકાણકારો માટે મહત્વના ગણાતા એક ચુકાદામાં સુપ્રીમ કોર્ટે ટાઈગર ગ્લોબલ કંપનીની અરજી ફગાવી દીધી છે, જેનાથી કંપની પર મોટો ટેક્સનો બોજ આવશે.

સુપ્રીમ કોર્ટે અમેરિકન ઇન્વેસ્ટમેન્ટ ફર્મ ટાઈગર ગ્લોબલને મોટો આંચકો આપતા ઠરાવ્યું છે કે ફ્લિપકાર્ટમાંથી બહાર નીકળતી વખતે થયેલા નફા પર ભારતમાં ટેક્સ ચૂકવવો પડશે. આ મામલો લગભગ ૧૪,૫૦૦ કરોડ રૂપિયાનો છે. 

કોર્ટે સ્પષ્ટ કર્યું છે કે ભલે કંપની વિદેશી હોય, પરંતુ જો સંપત્તિ અને મૂલ્ય સર્જન ભારતમાં થયું હોય, તો તેના પર કેપિટલ ગેઇન્સ ટેક્સ (મૂડી લાભ વેરો) લાગુ પડશે. આ નિર્ણયની અસર ભારતમાં રોકાણ કરતી અન્ય વિદેશી કંપનીઓ પર પણ પડી શકે છે.