વોશિંગ્ટન: મધ્ય પૂર્વમાં વધતી તંગદિલી વચ્ચે અમેરિકાએ ઈરાન સામે આર્થિક ઘેરાબંધી મજબૂત કરતા નવા કડક પ્રતિબંધોની જાહેરાત કરી છે.

અમેરિકાએ ઈરાનની ૧૮ જેટલી વ્યક્તિઓ અને સંસ્થાઓ પર નવા પ્રતિબંધો લાદ્યા છે. આ પ્રતિબંધો ઈરાનના મિસાઈલ અને ડ્રોન કાર્યક્રમો તેમજ આતંકવાદી પ્રવૃત્તિઓને સમર્થન આપવા બદલ લગાવવામાં આવ્યા હોવાનું મનાય છે. 

આ કાર્યવાહી હેઠળ પ્રતિબંધિત વ્યક્તિઓની સંપત્તિ જપ્ત કરવામાં આવશે અને તેમની સાથે કોઈપણ પ્રકારનો નાણાકીય વ્યવહાર ગેરકાયદેસર ગણાશે. આ પગલાંથી અમેરિકા અને ઈરાન વચ્ચેના સંબંધો વધુ વણસે તેવી શક્યતા છે.