છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
‘માસ ડિપોર્ટેશનને કારણે મકાનો સસ્તા થયાઃ જોબ્સ વધી'
ટ્રમ્પનો દાવોઃ જે શહેરોમાં ઈમિગ્રન્ટ્સની સૌથી વધારે વસ્તી હતી ત્યાં મકાનોના ભાવ વધારે ઘટ્યા હોવાનો વ્હાઈટ હાઉસનો દાવો
વોશિંગ્ટન તા.૧૯: અમેરિકામાં ઈકોનોમી મંદ પડી રહી હોવાના કારણે નહીં પણ માસ ડિપોર્ટેશનને કારણે મકાનોના ભાવ ઘટી રહ્યા છે તેવો એક દાવો વ્હાઈટ હાઉસ દ્વારા કરવામાં આવ્યો છે. આ અંગે જાન્યુઆરી ૧૪ના રોજ વ્હાઈટ હાઉસની વેબસાઈટ પર પબ્લિશ થયેલા આર્ટિકલમાં જણાવાયું છે કે ઈલીગલ ઈમિગ્રન્ટ્સની સૌથી વધુ વસ્તી ધરાવતા અમેરિકાના ટોપના ૨૦ મેટ્રો એરિયામાંથી ૧૪માં માસ ડિપોર્ટેશનને કારણે મકાનોના ભાવ ઘટી ગયા છે. આ આર્ટિકલમાં એવું પણ જણાવાયું છે કે જે ત્રણ મેટ્રો એરિયામાં મકાનોના ભાવમાં સામાન્ય ઘટાડો થયો છે કે પછી ભાવ સ્થિર રહ્યા છે તે ડેમોક્રેટિક સિટીઝ છે.
વ્હાઈટ હાઉસે જે શહેરોમાં છેલ્લા એક વર્ષમાં મકાનોના ભાવોમાં સૌથી વધુ ઘટ્યા છે તેનું એક લિસ્ટ પણ શેર કર્યું છે જેમાં ટેક્સસનું ઓસ્ટિન ટોચ પર આવે છે, ટ્રમ્પ એડમિનિસ્ટ્રેશનનો દાવો છે કે આ શહેરમાં મકાનો ૭.૩૦ ટકા જેટલા સસ્તા થયા છે જ્યારે કેલિફોર્નિયાના સાન ડિએગો અને સાન જોસમાં મકાનોના ભાવ અનુક્રમે ૬.૭૦ અને ૫.૫૦ ટકા જેટલા ઘટ્યા છે અને વોશિંગ્ટન ડીસીમાં આ ઘટાડો ૪.૮૦ ટકા જ્યારે ફલોરિડાના માયામીમાં ૪.૩૦ ટકા જેટલો રહ્યો છે. આ સિવાય, બોસ્ટન, ફિનિક્સ, ડેનવર, લોસ એન્જેલસ, હ્યુસ્ટન અને ડલાસ તેમજ સાન ફ્રાન્સિસ્કોમાં મકાનોના ભાવમાં થયેલો ઘટાડો માસ ડિપોર્ટેશનને આભારી હોવાનું વ્હાઈટ હાઉસનું કહેવું છે.
ટ્રમ્પ સરકારનો દાવો છે કે માસ ડિપોર્ટેશનને કારણે મકાનો સસ્તા થવાની સાથે અમેરિકન વર્કર્સના પગાર પણ વધી રહ્યા છે, ખાસ તો ટ્રક ડ્રાઈવર્સ અને કન્સ્ટ્રક્શન વર્કર્સને તેનાથી ફાયદો થઈ રહ્યો છે કારણકે આ બંને ઈન્ડસ્ટ્રીમાં ઈલીગલ ઈમિગ્રન્ટ્સ મોટી સંખ્યાાં કામ કરે છે અને ઈમિગ્રેશન એન્ફોર્સમેન્ટને કારણે આ બંને સેક્ટરમાં કાામ કરતા અમેરિકન્સના પગાર સૌથી વધુ ઝડપથી વધ્યા છે.
આ ઉપરાંત માસ ડિપોર્ટેશનથી જોબ્સ પણ વધી હોવાનું આ આર્ટિકલમાં જણાવાયું છે, તેમાં કરાયેલા દાવા અનુસાર જાન્યુઆરીથી ડિસેમ્બર ૨૦૨૫ના ગાળામાં બે મિલિયન નેટિવ-બોર્ન અમેરિકન્સને નોકરી મળી છે જ્યારે ૬.૬૨ લાખ ફોરેન બોર્ન વર્કર્સે નોકરી ગુમાવી છે અને ૧.૮ મિલિયન નેટિવ બોર્ન અમેરિકન્સ લેબર ફોર્સમાં ઉમેરાયા છે જ્યારે ૮.૧૮ લાખ ફોરેન બોર્ન વર્કર્સની તેમાંથી બાદબાકી થઈ છે.
ટ્રમ્પ એડમિનિસ્ટ્રેશન ડેમોક્રેટિક શહેરોમાં ક્રાઈમ વધી ગયો હોવાના દાવા કરીને પણ ICE અને બોર્ડર પેટ્રોલના એજન્ટ્સને ત્યાં મોકલી રહ્યું છે તેવામાં વ્હાઈટ હાઉસનું એવું કહેવું છે કે માસ ડિપોર્ટેશન શરૂ થયું છે ત્યારથી રેપ, રોબરી, હિસક હુમલા અને શૂટિગ જેવા ક્રાઈમ ઘટ્યા છે. ખાસ તો વોશિંગ્ટન ડીસી, શિકાગો, મેમ્ફિસ અને ન્યૂ ઓર્લિયન્સનો ઉલ્લેખ કરતા આ રિપોર્ટમાં જણાવાયું છે કે છેલ્લા એક વર્ષમાં ડીસીમાં મર્ડરના કેસમાં ૬૦ ટકાનો ઘટાડો થયો છે જ્યારે શિકાગોમાં મર્ડરનો આંકડો કેસ છેક ૧૯૬૫ના સ્તર પર આવી ગયો છે અને મેમ્ફિસમાં ગત વર્ષ કરતાં ૨૦૦ ઓછા મર્ડર થયા છે.
અમેરિકાની સરકાર ભલે એવા દાવા કરી રહી હોય કે માસ ડિપોર્ટેશનના કારણે મકાનોના ભાવ ઘટી ગયા છે પરંતુ સવાલ એ છે કે મકાનો સસ્તા થયા હોવા છતાંય તેની ડિમાન્ડ કેમ નથી વધી રહી? એટલું જ નહીં જો લાખો ઈમિગ્રન્ટ્સે અમેરિકા છોડી દીધું હોય તો પણ જોબ્સ કેમ ઘટી રહી છે અને લોકોને નવી જોબ શોધવામાં કેમ ફાંફા પડી રહ્યા છે તે સવાલનો જવાબ પણ ટ્રમ્પ એડમિનિસ્ટ્રેશન નથી આપી શક્યું. રહી વાત ક્રાઈમની તો અમેરિકાના મોટાભાગના શહેરોમાં અને ખાસ તો જે શહેરોમાં આક્રમક ઈમિગ્રેશન એન્ફોર્સમેન્ટ કરવામાં આવી રહ્યું છે ત્યાં ક્રાઈમ રેટ સતત ઘટી જ રહ્યો છે.
(10:38 AM IST)
