નવી દિલ્હી : પીએમ મોદીએ લોક કલ્યાણ માર્ગ પરના તેમના નિવાસસ્થાને યુએઈના રાષ્ટ્રપતિ મોહમ્મદ બિન ઝાયેદ અલ નાહ્યાન અને તેમના પરિવારનું સ્વાગત કર્યું. વડાપ્રધાન નરેન્દ્ર મોદીએ તેમને પરંપરાગત ભારતીય ભેટો આપી હતી 

   પીએમ મોદીએ યુએઈના રાષ્ટ્રપતિને શાહી નકશીકામવાળો લાકડાનો ઝૂલો ભેટ આપ્યો, આ ગુજરાતનો એક સુંદર કોતરણી કરેલ લાકડાનો ઝૂલો છે જે ગુજરાતના ઘણા પરિવારોના ઘરોનું ગૌરવ છે. તે હાથથી બનાવેલ છે અને તેમાં જટિલ ફૂલો અને પરંપરાગત ડિઝાઇન છે, જે કુશળ કારીગરીનો પુરાવો છે. ગુજરાતી સંસ્કૃતિમાં, ઝૂલો પેઢીઓ વચ્ચે એકતા, વાતચીત અને બંધનનું પ્રતીક છે. ખાસ કરીને UAE દ્વારા 2026ને ‘ફેમિલી યર’ તરીકે ઉજવવાની જાહેરાત સાથે આ ભેટનો ખાસ અર્થ જોડાયેલો છે. .

વડાપ્રધાન મોદીએ તેમને શણગારેલા ચાંદીના બોક્સમાં પશ્મીના શાલ પણ ભેટમાં આપી. પશ્મીના શાલ કાશ્મીરથી આવે છે અને ખૂબ જ બારીક ઊનમાંથી હાથથી વણાયેલા હોય છે, જે તેમને નરમ, હળવા અને ગરમ બનાવે છે. આ શાલ તેલંગાણામાં બનેલા સુશોભન ચાંદીના બોક્સમાં રાખવામાં આવી છે. આ બધા મળીને ભારતની હાથવણાટ અને હસ્તકલાની સમૃદ્ધ પરંપરાને પ્રતિબિંબિત કરે છે.

શેખા ફાતિમા બિન્ત મુબારક અલ કેત્બીને પણ શણગારેલા ચાંદીના બોક્સમાં પશ્મીના શૉલ અને કાશ્મીરી કેસર ભેટમાં આપવામાં આવ્યા. કાશ્મીરી કેસર તેની તેજ લાલ ડોરા અને મનમોહક સુગંધ માટે પ્રસિદ્ધ છે.