મુંબઈ: શેરબજારમાં હાલમાં કમાણીની મૌસમ (Earnings Season) જામી છે. મંગળવારે બજાર બંધ થયા બાદ બે મોટી કંપનીઓએ તેમના ત્રીજા ક્વાર્ટર (Q3) ના નાણાકીય પરિણામો જાહેર કર્યા છે. આ કંપનીઓના નફાના આંકડા જોઈને બજારના વિશ્લેષકો પણ ચોંકી ગયા છે. સોલર સેક્ટરની અગ્રણી કંપની વિક્રમ સોલર અને બીટુબી પ્લેટફોર્મ ઇન્ડિયામાર્ટ ઇન્ટરમેશના નફામાં જોરદાર ઉછાળો જોવા મળ્યો છે.
 વિક્રમ સોલર માટે આ ક્વાર્ટર લોટરી જેવું સાબિત થયું છે. કંપનીનો ચોખ્ખો નફો ગયા વર્ષના સમાન ગાળાના ₹19 કરોડની સરખામણીએ વધીને સીધો ₹98 કરોડ થઈ ગયો છે. એટલે કે નફામાં 500% થી વધુનો ઉછાળો નોંધાયો છે.
વાર્ષિક ધોરણે 8% વધીને ₹1,106 કરોડ થઈ.
• EBITDA: ₹85 કરોડથી વધીને ₹205 કરોડ (142% નો વધારો).
• માર્જિન: કંપનીના ઓપરેટિંગ માર્જિન 8.2% થી સુધરીને 18.5% પર પહોંચ્યા છે.
IndiaMART: પ્રોફિટમાં 55% નો જમ્પ, પણ માર્જિનમાં ગાબડું: ઇન્ડિયામાર્ટ ઇન્ટરમેશે પણ નફાના મામલે શાનદાર પ્રદર્શન કર્યું છે. કંપનીનો ચોખ્ખો નફો ₹121 કરોડથી વધીને ₹188.3 કરોડ થયો છે. જોકે, રોકાણકારો માટે ચિંતાની વાત એ રહી કે કંપનીના EBITDA માર્જિનમાં ઘટાડો જોવા મળ્યો છે.
• આવક: 13.4% વધીને ₹401.6 કરોડ થઈ.
• EBITDA માર્જિન: ગયા વર્ષના 39.1% થી ઘટીને 33.5% રહ્યું છે.
પરિણામો સારા છતાં શેરમાં કેમ થયો કડાકો?: આશ્ચર્યની વાત એ છે કે શાનદાર પરિણામોની અપેક્ષા વચ્ચે આજે બજારમાં બંને કંપનીઓના શેર લાલ નિશાનમાં બંધ થયા હતા. વિક્રમ સોલરનો શેર પરિણામો પહેલા જ 10% તૂટીને ₹215 ની નીચે બંધ થયો હતો, જ્યારે ઇન્ડિયામાર્ટમાં પણ 2.3% નો ઘટાડો નોંધાયો હતો. બજારના નિષ્ણાતો માને છે કે પ્રોફિટ બુકિંગ અને માર્જિન પરના દબાણને કારણે રોકાણકારોએ વેચવાલી કરી છે.