ગુવાહાટી: ભારતીય રેલ્વે દ્વારા શરૂ કરવામાં આવેલી બહુપ્રતીક્ષિત ‘વંદે ભારત સ્લીપર’ ટ્રેને તેના પ્રથમ વ્યાપારી દોડ પહેલા જ ઈતિહાસ રચી દીધો છે. આસામના ગુવાહાટી (કામાખ્યા) અને પશ્ચિમ બંગાળના હાવડા વચ્ચે શરૂ થયેલી આ ટ્રેન માટે મુસાફરોમાં એટલો ભારે ઉત્સાહ જોવા મળ્યો હતો કે ટિકિટ વિન્ડો ખુલતાની સાથે જ થોડા જ કલાકોમાં તમામ બેઠકો બુક થઈ ગઈ હતી. રેલ્વે મંત્રાલયના જણાવ્યા અનુસાર, આ પ્રતિસાદ મુસાફરોનો ભારતીય રેલ્વેની આધુનિક સુવિધાઓ પરનો અતૂટ વિશ્વાસ દર્શાવે છે.
 વડાપ્રધાન નરેન્દ્રભાઈ મોદી દ્વારા ગયા અઠવાડિયે ઉદ્ઘાટન કરવામાં આવેલી આ ટ્રેન સામાન્ય સ્લીપર ટ્રેનો કરતા અનેકગણી વધુ સુવિધાઓથી સજ્જ છે.
: ટ્રેનમાં વિશ્વસ્તરીય લાઈટિંગ, આરામદાયક બર્થ અને અત્યાધુનિક ઈન્ટિરિયર આપવામાં આવ્યું છે.
 વંદે ભારત સ્લીપર ટ્રેન મુસાફરોને લક્ઝરી હોટેલ જેવો અનુભવ આપશે અને લાંબા અંતરની મુસાફરીનો સમય પણ ઘટાડશે.
સ્વચ્છતા: ટ્રેનમાં મોડ્યુલર બાયો-વેક્યુમ ટોયલેટ્સ અને અવાજ ઓછો આવે તે માટે ખાસ ટેકનોલોજીનો ઉપયોગ કરવામાં આવ્યો છે.
રેલ્વે મંત્રાલય દ્વારા જાહેર કરવામાં આવેલા કાર્યક્રમ મુજબ:
 આ ટ્રેન આવતીકાલે (૨૨ જાન્યુઆરી) કામાખ્યાથી તેની પ્રથમ વ્યાપારી યાત્રા શરૂ કરશે.
 શુક્રવારે આ ટ્રેન હાવડાથી ઉપડીને ફરી કામાખ્યા આવશે.
 સોશિયલ મીડિયા પર અને બુકિંગ કેન્દ્રો પર મુસાફરોએ આ ટ્રેન અંગે અત્યંત સકારાત્મક પ્રતિસાદ આપ્યો છે. ઘણા મુસાફરોએ જણાવ્યું હતું કે, તેઓ ઘણા સમયથી આ ટ્રેનની રાહ જોઈ રહ્યા હતા કારણ કે તે પૂર્વોત્તર ભારતને જોડવા માટે એક મહત્વની કડી સાબિત થશે. વંદે ભારત સ્લીપર ટ્રેન માત્ર મુસાફરી નથી, પણ ભારતીય ઈજનેરી કૌશલ્યનું ઉત્તમ ઉદાહરણ છે.