ન્યૂયોર્ક: અમેરિકાની આંતરિક સુરક્ષાને લઈને પેન્ટાગોને મોટા પગલાં લીધા છે. મિનેસોટાના મિનેપોલિસ શહેરમાં ‘ઈમિગ્રેશન એન્ડ કસ્ટમ્સ એન્ફોર્સમેન્ટ’ (આઈસીઈ) દ્વારા એક મહિલા પર થયેલા ગોળીબારની ઘટના બાદ વિરોધ પ્રદર્શનો ફાટી નીકળ્યા છે. 

આ પરિસ્થિતિને કાબૂમાં લેવા માટે પેન્ટાગોને નોર્થ કેરોલિનાના ફોર્ટ બ્રેગ ખાતે તૈનાત યુએસ આર્મીની ૧૬મી મિલિટરી પોલીસ બ્રિગેડના સેંકડો સૈનિકોને ‘પ્રિપેર-ટુ-ડિપ્લોય’ (તૈનાતી માટે તૈયાર રહેવા) ના આદેશો આપ્યા છે. 
આ ઉપરાંત, અલાસ્કામાં જોઈન્ટ બેઝ એલ્મેન્ડોર્ફ-રિચાર્ડસન ખાતે તૈનાત ૧૧મી એરબોર્ન ડિવિઝનની બે બટાલિયનના અંદાજે ૧,૦૦૦ સૈનિકોને પણ શુક્રવારથી સ્ટેન્ડ-બાય રહેવા જણાવવામાં આવ્યું છે, જેથી જરૂર પડ્યે તેમને તાત્કાલિક મિનેપોલિસ મોકલી શકાય.