કોઝિકોડ,તા.૨૨: કેરળના કોઝિકોડમાં એક સનસનીખેજ કિસ્‍સાએ સોશિયલ મીડિયા જાસ્‍ટિસના કાળા પાસાનો પણ ખુલાસો કરી દીધો છે. પોલીસે બુધવારે શિમઝિથા મુસ્‍તફા નામની એ મહિલાની ધરપકડ કરી લીધી છે, જેણે એક ખાનગી બસમાં ૪૨ વર્ષીય યૂ. દીપક પર યૌન ઉત્‍પીડનનો આરોપ લગાવી વીડિયો વાયરલ કરી દીધો હતો. આ સાર્વજાનિક અપમાનને દીપક સહન કરી શક્‍યો નહીં અને તેણે પોતાના બેડરૂમમાં ફાંસી લગાવીને આત્‍મહત્‍યા કરી લીધી. ચોંકાવનારી વાત એ છે કે જે બસમાં આ ઘટના થઈ હોવાનો દાવો કર્યો હતો, તેના સીસીટીવી ફૂટેજમાં પણ ક્‍યાંય પણ વિવાદ અથવા છેડતીના કોઈ પુરાવા નથી મળ્‍યા. શિમઝિથા આગોતરા જામીનના ફિરાકમાં હતી અને ફરાર હતી, હવે ખુદ આત્‍મહત્‍યા માટે ઉશ્‍કેરવાના ગંભીર કેસમાં તેનું નામ જોડાઈ ગયું છે.

પોલીસ તપાસમાં આ વાત સામે આવી છે કે શિમઝિથાએ પોલીસમાં કોઈ ઔપચારિક ફરિયાદ નોંધાવવાની જગ્‍યાએ ડાયરેક્‍ટ વીડિયો બનાવી સોશિયલ મીડિયા પર અપલોડ કરી પબ્‍લિક ટ્રાયલ શરુ કરી દીધું હતું. દીપકના માતા-પિતાની ફરિયાદ પર નોંધાયેલી ફરિયાદ બાદ તે પોતાનો મોબાઈલ બંધ કરી સંબંધીને ત્‍યાં છુપાયેલી હતી. પોલીસને શંકા હતી કે તે વિદેશ ભાગી શકે છે. એટલા માટે તેના વિરુદ્ધ સર્ચ વોરન્‍ટ જાહેર કરી દીધું હતું. હવે પોલીસે મહિલાના ડિજિટલ ઉપકરણોની ફોરેન્‍સિક તપાસ કરી રહી છે, જેથી આ સમગ્ર કાવતરું અને ઉતાવળમાં ઉઠાવેલા પગલાની સચ્‍ચાઈ સામે આવી શકે.

૧. સવાલઃ શિમઝિથા મુસ્‍તફાને કઈ કલમ અંતર્ગત ધરપકડ કરવામાં આવી છે?

જવાબઃ શિમઝિથા પર યૂ. દીપકને આત્‍મહત્‍યા માટે ઉશ્‍કેરવા અને સાર્વજાનિક રીતે બદનામ કરવાના આરોપમાં બિન જામીનપાત્ર ધારાઓ અંતર્ગત કેસ નોંધાયો છે.

'સરકારને બે હાથ જોડું છું મારા દીકરાને પરત લાવી આપો,' યુક્રેનમાં ફસાયેલા યુવકને પરત લાવવા તેની માતાએ સરકારને અપીલ કરી

૨. સવાલઃ શું બસના સીસીટીવી ફૂટેજમાં ઉત્‍પીડનની પુષ્ટિ થઈ?

જવાબઃ નહીં, અલ અમીન ખાનગી બસના સીસીટીવી ફૂટેજમાં દીપક અને શિમઝિથા સામાન્‍ય સ્‍થિતિમાં દેખાઈ. ત્‍યાં કોઈ પણ પ્રકારના ઝઘડા અથવા અસામાન્‍ય ગતિવિધિના સંકેત નથી મળ્‍યા.

૩. સવાલઃ બસ કર્મચારીઓનું આ ઘટના પર શું કહેવું છે?

જવાબઃ બસના કંડક્‍ટર અને ડ્રાઈવરે પોતાનું નિવેદન આપ્‍યું છે કે આખા મુસાફરી દરમિયાન શિમઝિથાએ ન તો કોઈની પાસે મદદ માગી ન દીપક વિરુદ્ધ તેણે કોઈ ફરિયાદ કરી છે.

૪. સવાલઃ પોલીસે મહિલાને ફરાર કેમ ગણાવી?

જવાબઃ દીપકના મોત બાદ કેસ નોંધાતા શિમઝિથાએ પોતાનો ફોન બંધ કરી દીધો અને છુપાઈ ગઈ હતી. તે વિદેશ ભાગી જશે તેની આશંકા હોવાથી સર્ચ વોરન્‍ટ ઇશ્‍યૂ કરવામાં આવ્‍યું હતું.

પુરુષોના એક સંગઠને કેરળ હાઈકોર્ટમાં સીબીઆઈ તપાસની માગ કરી છે. તો વળી પોલીસ બસના અન્‍ય મુસાફરોના નિવેદન નોંધી રહી છે અને ડિજિટલ પુરાવા એકઠા કરી રહ્યા છે.