છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
એક દીકરી દસ દીકરા સમાનઃ PM મોદીએ ક્યા સંસ્કૃત શ્લોક દ્વારા સમજાવ્યું દીકરીનું મહત્ત્વ?
જે પુણ્યફળ એક વ્યક્તિને દસ દીકરાઓના પાલન-પોષણથી મળે છે, એ જ ફળ તે વ્યક્તિને એક દીકરીના પાલન-પોષણથી મળી જાય છે
નવી દિલ્હી,તા.૨૩: ૧૧ વર્ષ પહેલા ૨૨ જાન્યુઆરી, ૨૦૧૫ના રોજ વડા પ્રધાન મોદીએ બેટી બચાવો, બેટી પઢાઓ અભિયાન શરૂ કર્યુ હતુ. આ અભિયાનના ભાગરૂપે સુકન્યા સમૃદ્ધિ યોજના પણ શરૂ કરવામાં આવી હતી. આ યોજનાનો અત્યારસુધી ઘણી દીકરીઓને લાભ મળી ચૂક્યો છે. ત્યારે બેટી બચાવો, બેટી પઢાઓ અભિયાનની ૧૧મી વર્ષગાંઠે વડા પ્રધાન મોદીએ ખાસ સંદેશ આપ્યો છે.
બેટી બચાવો, બેટી પઢાઓ અભિયાનની ૧૧મી વર્ષગાંઠ નિમિત્તે વડા પ્રધાન નરેન્દ્ર મોદીએ એક્સ પર પોસ્ટ કરી છે. વડા પ્રધાન નરેન્દ્ર મોદીએ એક્સ પર લખ્યું કે, દીકરીને લક્ષ્મી માનનારા આપણા દેશમાં ૧૧ વર્ષ પહેલા જ દિવસે બેટી બચાવો, બેટી પઢાઓ અભિયાનની શરૂઆત થઈ હતી. આ બહુ ગર્વની વાત છે કે, આજે ભારતની દીકરીઓ દરેક ક્ષેત્રમાં નિત-નવા રેકોર્ડ બનાવી રહી છે. આ સાથે વડા પ્રધાન મોદીએ એક શ્લોક લખ્યો છે. જે નીચે મુજબ છે.
દશપુત્રસમા કન્યા દશપુત્રાન પ્રવર્ધયન
યત્ ફલમ્ લભતે મર્ત્યસ્તલ્લભ્યં કન્યયૈકયા
ઉપરોક્ત શ્લોકનો અર્થ કઈ આ પ્રમાણ થાય છે કે, એક દીકરી દસ દીકરા સમાન હોય છે. જે પુણ્યફળ એક વ્યક્તિને દસ દીકરાઓના પાલન-પોષણથી મળે છે, એ જ ફળ તે વ્યક્તિને એક દીકરીના પાલન-પોષણથી મળી જાય છે.
વડા પ્રધાન નરેન્દ્ર મોદીની આ પોસ્ટની સોશિયલ મીડિયા યુઝર્સે સરાહના કરી છે. એક યુઝરે કોમેન્ટ બોક્સમાં જણાવ્યું કે, જ્યારે દીકરીઓને તક મળે છે, ત્યારે દેશનું ભવિષ્ય મજબૂત બને છે. બેટી બચાવો, બેટી પઢાઓ અભિયાનએ ભારતને એક નવી દિશા બતાવી છે. બીજા યુઝરે લખ્યું કે, દીકરીઓ સૌથી અનમોલ વરદાન અને શક્તિનું સ્વરૂપ છે, શિક્ષિત દીકરીઓ વિકસિત ભારત અને સંસ્કારિત સશક્ત સમાજનો આધારસ્તંભ છે.
(10:06 AM IST)
