નવી દિલ્હી:સંયુક્ત રાષ્ટ્ર સંઘ (UN) માં લાંબા સમયથી ચાલી રહેલી ભારતની કાયમી સદસ્યતાની માંગ હવે તેના અંતિમ તબક્કે પહોંચી હોય તેમ જણાય છે. વિશ્વભરમાં એવી પ્રબળ ચર્ચા શરૂ થઈ છે કે ટૂંક સમયમાં ભારતને યુનાઈટેડ નેશન્સ સિક્યુરિટી કાઉન્સિલ (UNSC) માં વીટો પાવર સાથે કાયમી સદસ્યતા મળી શકે છે. આ સમાચાર વાયુવેગે પ્રસરતા જ પાકિસ્તાનમાં શોકનું મોજું ફરી વળ્યું છે.
   ભારતના કટ્ટર દુશ્મન પાકિસ્તાનને હવે પૂરો આભાસ થઈ ગયો છે કે ભારત ટૂંક સમયમાં એ મહાશક્તિઓની યાદીમાં સામેલ થશે, જે દુનિયાના નસીબ અને મોટા નિર્ણયો પર સીધો દખલ કરી શકશે. વીટો પાવર મળ્યા બાદ ભારત વૈશ્વિક સ્તરે અજેય બની જશે, જેના કારણે પાકિસ્તાની નેતાઓ અને જનતામાં ફફડાટ જોવા મળી રહ્યો છે. ત્યાંના વિશ્લેષકોનું માનવું છે કે જો ભારતને આ શક્તિ મળી ગઈ તો કાશ્મીર મુદ્દે પાકિસ્તાનનું અસ્તિત્વ વૈશ્વિક મંચ પરથી સાવ ભૂંસાઈ જશે.
ભારતનો વધતો જતો પ્રભાવ: વૈશ્વિક અર્થતંત્રમાં ભારતની મજબૂત સ્થિતિ અને રશિયા-યુક્રેન કે મધ્ય પૂર્વના સંકટોમાં ભારતની તટસ્થ છતાં પ્રભાવશાળી ભૂમિકાને કારણે અમેરિકા, ફ્રાન્સ અને રશિયા જેવા દેશો પણ ભારતના સમર્થનમાં ખુલીને સામે આવ્યા છે. ભારતને કાયમી સભ્યપદ આપવાનો અર્થ એ છે કે ૧૪૦ કરોડની વસ્તી ધરાવતો દેશ હવે માત્ર પ્રેક્ષક નહીં પણ વૈશ્વિક વ્યવસ્થાનો 'નિર્ણાયક' હશે.
  વીટો પાવર એ સુરક્ષા પરિષદના પાંચ કાયમી સભ્યોને મળેલી ખાસ સત્તા છે, જેના દ્વારા તેઓ કોઈપણ આંતરરાષ્ટ્રીય ઠરાવને અટકાવી શકે છે. અત્યાર સુધી પાકિસ્તાન ચીનના વીટો પાવરનો ઉપયોગ કરીને ભારત વિરુદ્ધ ષડયંત્ર કરતું હતું, પરંતુ હવે જો ભારત પાસે આ શક્તિ આવશે તો આખું દ્રશ્ય બદલાઈ જશે.
ભારત માટે આ માત્ર રાજદ્વારી જીત નથી, પરંતુ ૨૧મી સદીના 'ભારત યુગ' (India Era) ની સત્તાવાર શરૂઆત માનવામાં આવે છે. પાકિસ્તાનનું આક્રંદ એ તેની લાચારીનું પ્રતીક છે.