નવી દિલ્હી : પ્રજાસત્તાક પર્વ ૨૦૨૬ નિમિત્તે સેન્ટ્રલ બ્યુરો ઓફ ઇન્વેસ્ટિગેશન ( સીબીઆઇ ) ના ૩૧ અધિકારીઓને તેમની ઉત્કૃષ્ટ સેવા બદલ સન્માનિત કરવાની જાહેરાત કરવામાં આવી છે.

આ વર્ષે સીબીઆઈના ૬ અધિકારીઓને ‘પ્રેસિડન્ટ્સ મેડલ ફોર ડિસ્ટિંગ્વિશ્ડ સર્વિસ’ ( પી એસ એમ ) અને ૨૫ અધિકારીઓને ‘પોલીસ મેડલ ફોર મેરિટોરિયસ સર્વિસ’ ( એમએસએમ ) એનાયત કરવામાં આવ્યા છે. 

કોલકાતા આર.જી. કર કેસની તપાસ કરનાર જોઈન્ટ ડાયરેક્ટર વી. ચંદ્રશેખરને રાષ્ટ્રપતિ મેડલથી નવાજવામાં આવ્યા છે. 

આ ઉપરાંત એસપી અમિત શ્રીવાસ્તવ અને એડિશનલ એસપી મુકેશ શર્મા જેવા અધિકારીઓનું પણ સન્માન કરવામાં આવ્યું છે, જેમણે વિવિધ હાઈ-પ્રોફાઈલ કેસોમાં મહત્વની ભૂમિકા ભજવી હતી.