નવી દિલ્‍હી તા.૨૯: બજારના નિષ્‍ણાતોએ ૨૦૨૬માં ભયંકર આર્થિક મંદીની આગાહી કરી છે. વાયરલ થઈ રહેલા કેટલાક અહેવાલો મુજબ

સોના-ચાંદીમાં તેજીઃ સોનાનો ભાવ ૫,૩૩૦ ડોલર અને ચાંદીનો ભાવ ૧૧૫ ડોલર સુધી પહોંચવાની શક્‍યતા છે.

સેમસંગ અને ઈ.વી. સેક્‍ટરઃ સેમસંગ જેવી કંપનીઓ દ્વારા ચાંદીની જંગી ખરીદી કરવામાં આવી રહી છે. ઈલેક્‍ટ્રિક વ્‍હીકલ (ઈ.વી.) અને સોલાર પેનલ ઉદ્યોગમાં ચાંદીની માંગ વધતા ૨૦૨૭ સુધીમાં ચાંદીના ભાવ ૫૦૦ થી ૬૦૦ ડોલર પ્રતિ ઔંસ થવાની ગણતરી મુકવામાં આવી છે.

માર્કેટ ક્રેશનો ભયઃ નિષ્‍ણાતો ચેતવણી આપી રહ્યા છે કે જ્‍યારે સોનુ, ચાંદી અને કોપર (તાંબુ) એક સાથે સર્વોચ્‍ચ સપાટીએ પહોંચે, ત્‍યારે તે અર્થતંત્ર માટે ખતરાની ઘંટડી સમાન છે. આ પેટર્ન ૨૦૦૦, ૨૦૦૭ અને ૨૦૧૯ ના ક્રેશ પહેલા પણ જોવા મળી હતી.

સ્‍માર્ટ મની એક્‍ઝિટઃ મોટા રોકાણકારો (સ્‍માર્ટ મની) શેરબજારમાંથી પૈસા કાઢી રહ્યા છે અને સુરક્ષિત રોકાણ તરફ વળી રહ્યા છે, જે ૨૦૨૬માં આવનારી મોટી ઉથલપાથલનો સંકેત છે. બોન્‍ડ માર્કેટમાં પણ ભારે દબાણ જોવા મળી રહ્યું છે.

આ અહેવાલો સૂચવે છે કે સામાન્‍ય જનતાએ આર્થિક રીતે સાવચેત રહેવાની જરૂર છે, કારણ કે ૨૦૨૬નું વર્ષ વૈશ્વિક બજારો માટે અત્‍યંત મુશ્‍કેલ સાબિત થઈ શકે છે.