તા. ૧૦ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૧૪ ગુરૂવાર
અજિત પવારનું વિમાન ઉડાડનાર પાયલોટની વિવાદી કારકીર્દીઃ ડયુટી ઉપર દારૂ પીધાના બે ગુન્હા દાખલ છે
મુંબઈઃ મહારાષ્ટ્રના રાજ્યના ઉપમુખ્યમંત્રી અજિત પવારના વિમાનને બારામતી ખાતે અકસ્માત થયો. આ અકસ્માતમાં પવાર સહિત બે પાઈલટ, ફલાઈંગ એટેન્ડન્ટ અને પીએસઓના મૃત્યુ થયા. અકસ્માતમાં મૃત્યુ પામનારામાં વિમાનના પાઈલટ કેપ્ટન સુમિત કપૂરનો પણ સમાવેશ છે.
આ અકસ્માતની તપાસ શરૂ કરવામાં આ કેપ્ટન સુમિત પર ડ્યુટી પર હાજર હોવાના સમયે મદ્યપાન કર્યાના બે ગુના દાખલ થયા હતા. પહેલો ગુનો ૨૦૧૦માં નોંધેલો છે. મેડિકલ તપાસ દરમિયાન સુમિતની આલ્કોહોલ ટેસ્ટ પોઝિટિવ આવી હતી. એ પછી સંબંધિત એરલાઈને તેને નોકરી પરથી કાઢી નાખ્યો હતો. એ પછી ૨૦૧૭માં ફરીથી ડ્યુટી પર હાજર હતો ત્યારે મદ્યપાન કરતા પકડાઈ ગયો હતો. બીજી વખત આવી ઘટના બનવાથી વિમાન સુરક્ષા માટે આ અત્યંત ગંભીર બાબત ગણીને નાગરી વિમાન પરિવહન પ્રાધિકરણે તેને ત્રણ વર્ષ માટે સસપેન્ડ કર્યો હતો. એ પછી તેને નોકરી પરથી કાઢી મૂકવામાં આવ્યો હતો.
બરતરફી પછી કેપ્ટન સુમિત કપૂરે થોડા સમય માટે ફ્રીલાન્સ પાઈલટ તરીકે કામ કર્યું. એ પછી છેલ્લા પાંચ વર્ષથી એ વીએસઆર વેન્ચર્સ સાથે કામ કરતો હતો. બારામતી ખાતે થયેલા વિમાન અકસ્માતમાં મૃત્યુ પછી તેની વિવાદાસ્પદ કારકિર્દી ફરીથી ચર્ચામાં આવી છે.
(3:49 PM IST)
છેલ્લા 8 દિવસમાં સૌથી લોકપ્રિય 
