લોસ એન્જલસમાં યોજાયેલા ૬૮ માં વાર્ષિક ગ્રેમી એવોર્ડ્સ ૨૦૨૬ માં ભારતને નિરાશા સાંપડી છે. સિતાર વાદક અનુષ્કા શંકર સહિતના ભારતીય કલાકારો જેમ કે સિદ્ધાંત ભાટિયા, શક્તિ અને ચારુ સુરી અલગ-અલગ કેટેગરીમાં નોમિનેટ થયા હતા, પરંતુ તેઓ આ વર્ષે કોઈ એવોર્ડ જીતી શક્યા નથી. ગ્રેમી એવોર્ડ્સમાં ભારતની આ હાર સંગીતપ્રેમીઓ માટે આંચકાજનક રહી છે.

બીજી તરફ, આંતરરાષ્ટ્રીય સ્તરે રેપર કેન્ડ્રિક લેમર સૌથી મોટા વિજેતા તરીકે ઉભરી આવ્યા હતા. તેમણે 'રેકોર્ડ ઓફ ધ યર' સહિત કુલ ૫ એવોર્ડ જીતીને સમારોહ ગજવ્યો હતો. આ ઉપરાંત બેડ બનીએ 'આલ્બમ ઓફ ધ યર' નો ખિતાબ જીતીને ઇતિહાસ રચ્યો હતો. ઓલિવિયા ડીન પણ ટોચના સન્માનિત કલાકારોમાં સામેલ હતી. આ વર્ષે બે નવી કેટેગરી ઉમેરવામાં આવી હતી: 'બેસ્ટ આલ્બમ કવર' અને 'બેસ્ટ ટ્રેડિશનલ કંટ્રી આલ્બમ'. સમારોહનું સંચાલન ટ્રેવર નોહ દ્વારા કરવામાં આવ્યું હતું, જે તેમનું હોસ્ટ તરીકેનું છેલ્લું વર્ષ હતું.