સિઓલ: દક્ષિણ કોરિયાના ગ્યોંગગી પ્રાંતમાં આજે એક મોટી સૈન્ય દુર્ઘટના સર્જાઈ છે. સેનાનું શક્તિશાળી ગણાતું AH-1S કોબ્રા હેલિકોપ્ટર તાલીમ ઉડાન દરમિયાન ગેપ્યોંગ કાઉન્ટીમાં એક નદીના કિનારે ક્રેશ થયું હતું. આ ભયાનક અકસ્માતમાં હેલિકોપ્ટરમાં સવાર બંને જુનિયર વોરંટ ઓફિસરોના મોત નિપજ્યા છે, જેના પગલે દક્ષિણ કોરિયાની સેનામાં શોકનું મોજું ફરી વળ્યું છે.

હુમલાના બેઝથી માત્ર 800 મીટર દૂર સર્જાઈ હોનારત

માહિતી મુજબ, આ હેલિકોપ્ટર સેનાના 15મા એવિએશન ગ્રુપનું હતું. ઉડાન ભર્યા બાદ થોડી જ વારમાં તે બેઝથી માત્ર 800 મીટરના અંતરે તૂટી પડ્યું હતું. સદનસીબે, અકસ્માત બાદ કોઈ વિસ્ફોટ કે આગ લાગી નહોતી, પરંતુ હેલિકોપ્ટરના ફુરચા ઉડી ગયા હતા. ગંભીર રીતે ઘાયલ થયેલા બંને અધિકારીઓને તાત્કાલિક હોસ્પિટલ ખસેડાયા હતા, જ્યાં ડોક્ટરોએ તેમને મૃત જાહેર કર્યા હતા. સેનાએ સાવચેતીના પગલા રૂપે તમામ કોબ્રા હેલિકોપ્ટરોનું ઓપરેશન હાલ પૂરતું સ્થગિત કરી દીધું છે.