છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ન્યૂયોર્કમાં માઈનસ ૪૦ ડિગ્રીઃ એન્ટાર્કટિકા કરતા પણ નીચું તાપમાન : લોકો ઠુંઠવાયા
ઠંડા પવનોને કારણે ન્યૂયોર્ક સહિત નોર્થઈસ્ટ અને ન્યૂ ઈંગ્લેન્ડમાં વીકેન્ડ દરમિયાન હાડકા થીજી જાય તેવી ઠંડી
ન્યૂયોર્ક તા.૧૦: ન્યૂયોર્કમાં હાલના દિવસોમાં એટલી ઠંડી પડી રહે છે કે રવિવારે શહેરના કેટલાક ભાગોમાં તાપમાન એન્ટાર્કટિકાના અમુક પાર્ટ્સથી પણ ઓછું રહ્યું હતું. ઠંડા પવનોને કારણે ન્યૂયોર્ક સહિત નોર્થઈસ્ટ અને ન્યૂ ઈંગ્લેન્ડમાં વીકેન્ડ દરમિયાન હાડકા થીજી જાય તેવી ઠંડી પડી હતી. ફેબ્રુઆરી ૦૮ના રોજ ન્યૂયોર્કમાં તાપમાન ત્રણ ડિગ્રી ફેરનહિટ નોંધાયું હતું પરંતુ ઠંડી માઈનસ ૧૪ ડિગ્રી ફેરન હિટ જેવી લાગી રહી હતી અને નોર્થઈસ્ટના કેટલાક ભાગોમાં સૂસવાટા મારતા પવનને કારણે માઈનસ ૪૦ ડિગ્રી ફેરનહિટ જેવી ઠંડી અનુભવાઈ હતી.
ઈન્ડિયન સ્ટાઈલમાં સમજવું હોય તો રવિવારે ન્યૂયોર્કમાં માઈનસ ૨૫ ડિગ્રી સેલ્સિયસ ઠંડીનો અહેસાસ થયો હતો, અમદાવાદમાં ટેમ્પ્રેચર ૧૨-૧૫ ડિગ્રી જેટલું હોય તો પણ લોકો સ્વેટર પહેરીને બહાર નીકળે છે ત્યારે ન્યૂયોર્કમાં માઈનસ ૨૫ ડિગ્રી ઠંડીમાં લોકોની શું હાલત થઈ હશે તેનો વિચાર પણ રૂંવાડા ઉભા કરી દે તેવો છે.
મિડ જાન્યુઆરીથી જ ન્યૂયોર્ક અને સમગ્ર ઈસ્ટર્ન યુનાઈટેડ સ્ટેટ્સમાં કાલિત ઠંડી અનુભવાઈ રહી છે અને ઘણા ભાગોમાં તાપમાન સામાન્ય કરતા ૩૦ ડિગ્રી ફેરનહિટ નીચું ગયું છે. શનિવારે આર્કટિક બ્લાસ્ટની અસરને લીધે કેનેડી એરપોર્ટ પર ટેમ્પ્રેચર છ ડિગ્રી ફેરનહિટ નોંધાયું હતું, છેલ્લે ૧૯૯૩માં આટલી ઠંડી પડી હતી અને ત્યારે તાપમાનનો પારો સાત ડિગ્રી ફેરનહિટ પર રહ્યો હતો.
શનિવારે જ પેન્સિલવેનિયાના ડ્યૂબ્લામાં તાપમાન માઈનસ ત્રણ ડિગ્રી ફેરનહિટ નોંધાયું હતું, આ ટાઉન પિટ્સબર્ગથી નોર્થઈસ્ટમાં ૧૦૦ માાઈલ દૂર આવેલું છે. જોકે, રવિવારે તો ન્યૂયોર્કમાં તાપમાન શનિવાર કરતા પણ વધારે નીચું રહ્યું હતું જેમાં વોટરટાઉનમાં રેકોર્ડ માઈનસ ૩૪ ડિગ્રી ફેરનહિટ તાપમાન નોંધાયું હતું, આ ટાઉન લેક ઓન્ટારિયોથી ઈસ્ટ સાઈડમાં પાંચ માઈલ દૂર અને કેનેડાની બોર્ડરથી સાઉથમાં ૩૦ માઈલ દૂર આવેલું છે.
વેધર એક્સપર્ટ્સનું માનીએ તો વારંવાર થઈ રહેલા આર્કટિક બ્લાસ્ટને કારણે અમેરિકાના ઉત્તરપૂર્વીય ભાગોમાં કાતિલ ઠંડીનો અનુભવ થઈ રહ્યો છે, રવિવારે પણ તેના કારણે જ તાપમાન ગગડ્યું હતું અને દિવસના તાપમાનમાં રેકોર્ડ ઘટાડો થયો હતો.
કાતિલ ઠંડીને કારણે છેલ્લા કેટલાક દિવસોમાં જે બરફ પડ્યો છે તે પણ ઓગળી નથી રહ્યો જેના કારણે તડકો નીકળે તો પણ જમીન તેના કારણે ગરમ નથી થતી હતી અને રાતના સમયે સ્નોને કારણે હિટ રેડિએટ થાય છે જેનાથી હવા વધુ ઝડપથી ઠંડી બને છે. આવી ઠંડીમાં બહાર નીકળવાથી ઠંડા પવનને કારણે સ્કીનને હીટ સામે રક્ષણ આપતા લેયરને ઠંડા પવનને કારણે નુક્સાન થાય છે અને સ્કીન ડેમેજ થાય છે.
જોકે, હવે ન્યૂયોર્કમાં આટલી કાતિલ ઠંડી પડવાની શક્યતા ઓછી છે અને ચાલુ અઠવાડિયામાં જ ટેમ્પ્રેચરમાં વધારો જોવા મળશે. સોમવારથી જ તાપમાન વધવાનું છે અને દિવસ દરમિયાન પારો ૩૧ ડિગ્રી ફેરનહિટની આસપાસ રહેશે જ્યારે રાતનું તાપમાન ૧૯ ફેરનહિટ જેટલું રહેશે. બુધવારે દિવસનું તાપમાન ૪૦ ડિગ્રી થઈ શકે છે અને બાકીના દિવસોમાં તે ૩૫ ડિગ્રની આસપાસ રહેશે. જોકે, આટલી ઠંડી પણ કંઈ ઓછી નથી કારણકે પવનને કારણે ફ્રિઝિગ કોલ્ડનો અહેસાસ થવાનો જ છે.
(10:18 AM IST)
