ચીને તેની વેપાર નીતિમાં મોટો ફેરફાર કરતા મે ૨૦૨૬ થી ૫૩ આફ્રિકન દેશોમાંથી આવતી તમામ વસ્તુઓ પરની આયાત જકાત નાબૂદ કરવાની જાહેરાત કરી છે.

વૈશ્વિક અર્થતંત્રમાં પોતાનો પ્રભાવ વધારવા માટે ચીને એક વ્યૂહાત્મક જાહેરાત કરી છે. ચીન સાથે રાજદ્વારી સંબંધો ધરાવતા ૫૩ આફ્રિકન દેશો હવે કોઈપણ ટેક્સ ચૂકવ્યા વિના પોતાનો માલ ચીનના બજારમાં વેચી શકશે. આ નીતિ મે ૨૦૨૬ થી અમલમાં આવશે. 

ચીન આ પગલા દ્વારા આફ્રિકન ખંડમાં કૃષિ અને ખનિજ ક્ષેત્રે પોતાનું વર્ચસ્વ જમાવવા માંગે છે. અત્યાર સુધી ઘણા દેશોએ ઊંચી આયાત જકાતને કારણે મુશ્કેલી વેઠવી પડતી હતી, પરંતુ હવે શૂન્ય ટેક્સની આ નીતિ આફ્રિકન અર્થતંત્રને વેગ આપી શકે છે.
નિષ્ણાતો માને છે કે આ નિર્ણયથી ચીન અને આફ્રિકા વચ્ચેના દ્વિપક્ષીય વેપારમાં અનેકગણો વધારો થશે. 

આનાથી ચીનને કાચો માલ સસ્તા દરે મળશે, જ્યારે આફ્રિકન દેશોને મોટું બજાર પ્રાપ્ત થશે. જોકે, આ નિર્ણયને પશ્ચિમી દેશો પ્રત્યેના પડકાર તરીકે પણ જોવામાં આવી રહ્યો છે. આ નવી કરમુક્ત નીતિને કારણે આફ્રિકાના ઉત્પાદનો ચીનના સ્થાનિક ઉત્પાદનો સાથે સ્પર્ધા કરશે, જેનાથી ગ્રાહકોને પણ ફાયદો થવાની સંભાવના છે.