મુંબઈ : શેરબજારમાં ઘણીવાર એવી કંપનીઓ ચર્ચામાં આવે છે જે કદમાં નાની હોય છે પરંતુ રોકાણકારોને વળતર આપવામાં મોટી કંપનીઓને પણ પાછળ રાખી દે છે. તાજેતરમાં એક સ્મોલ-કેપ કંપનીએ તેના શેરધારકો માટે ભેટ સમાન જાહેરાત કરી છે. આ કંપનીએ ૧ શેર પર ૨ બોનસ શેર (૨:૧ રેશિયો) આપવાની જાહેરાત કરી છે, એટલે કે જે રોકાણકાર પાસે આ કંપનીના ૧૦૦ શેર હશે, તેમને વધારાના ૨૦૦ શેર મફત મળશે અને કુલ ૩૦૦ શેર થઈ જશે.
આ સમાચાર આવતાની સાથે જ કંપનીના શેરમાં જોરદાર લેવાલી નીકળી હતી અને શેરમાં ઉપલી સર્કિટ લાગી હતી. આ કંપનીના શેરનો ઈતિહાસ જોઈએ તો તેણે છેલ્લા કેટલાક વર્ષોમાં રોકાણકારોને અકલ્પનીય ૧૮,૮૫૭ ટકાનું વળતર આપ્યું છે. જો કોઈ રોકાણકારે પાંચ વર્ષ પહેલાં આ કંપનીમાં ૧૦,૦૦૦ રૂપિયા રોક્યા હોત, તો આજે તેની કિંમત લાખોમાં હોત. કંપનીએ સ્ટોક એક્સચેન્જને આપેલી માહિતીમાં જણાવ્યું છે કે બોર્ડ ઓફ ડિરેક્ટર્સે બોનસ શેર માટેની મંજૂરી આપી દીધી છે અને ટૂંક સમયમાં રેકોર્ડ ડેટની જાહેરાત કરવામાં આવશે.
આ કંપની મુખ્યત્વે ફાયનાન્સ અને રોકાણ ક્ષેત્રે કાર્યરત છે. નિષ્ણાતોના મતે, જ્યારે કોઈ કંપનીની અનામત મૂડી વધે છે ત્યારે તે શેરધારકોને બોનસ શેર આપીને મૂડીનું કેપિટલાઈઝેશન કરે છે. જોકે, બજારના જાણકારો ચેતવણી પણ આપે છે કે આવા પેની સ્ટોક્સમાં જેટલું વળતર ઊંચું હોય છે, તેટલું જ જોખમ પણ વધારે હોય છે. ઘણીવાર ઓપરેટર્સ દ્વારા ભાવ વધારવામાં આવતા હોય છે, તેથી નાના રોકાણકારોએ કંપનીના ફંડામેન્ટલ્સ તપાસ્યા વગર માત્ર બોનસની લાલચે રોકાણ ન કરવું જોઈએ. તેમ છતાં, ૧૮,૦૦૦ ટકાથી વધુના વળતરે દલાલ સ્ટ્રીટમાં સૌનું ધ્યાન ખેંચ્યું છે