દરરોજ ૩૫ મુસાફરો રેલ્વેના ભોજન વિશે ફરિયાદ કરે છેઃ વાર્ષિક ૧૩,૦૦૦
ખોરાકમાં વંદો અથવા અન્ય જંતુઓ અથવા વિદેશી વસ્તુઓની હાજરી વારંવાર થતી સમસ્યા છે
નવી દિલ્હી,તા.૧૭: ભારતીય રેલ્વેનો ખોરાક ચર્ચાનો વિષય છે. દરમિયાન, માહિતી બહાર આવી છે કે દરરોજ ૩૫ થી વધુ લોકો રેલ્વેના ખોરાક વિશે ફરિયાદ કરે છે. અહેવાલ મુજબ, ખોરાકમાં વંદો અથવા અન્ય જંતુઓ અથવા વિદેશી વસ્તુઓની ફરિયાદો વારંવાર થતી હોય છે. ખોરાકની ગુણવત્તા, માત્રા અને વધુ પડતી કિમત અંગે પણ ફરિયાદો ઉભી થાય છે.
રેલ્વે મંત્રી અશ્વિની વૈષ્ણવે જણાવ્યું હતું કે એક વર્ષમાં ૧૬ કરોડ મુસાફરોને ખોરાક પીરસવામાં આવ્યો હતો, અને આમાંથી માત્ર ૦.૦૦૮ ટકા કિસ્સાઓમાં ફરિયાદો નોંધાઈ હતી. તેમણે જણાવ્યું હતું કે ખોરાક સંબંધિત ફરિયાદો નજીવી છે. જોકે, રેલ્વે પરિસ્થિતિ સુધારવા માટે કામ કરી રહી છે. મંત્રીએ જણાવ્યું હતું કે અમારો પ્રયાસ છે કે કોઈ પણ મુસાફરને ખોરાક અંગે કોઈ અસુવિધા ન થાય. મીડિયા રિપોર્ટ્સ અનુસાર, એક અધિકારીએ જણાવ્યું હતું કે રેલ્વેને ખોરાક અંગે આશરે ૧૩,૦૦૦ ફરિયાદો મળી છે.
માત્ર નિયમિત એક્સપ્રેસ ટ્રેનોમાં જ નહીં, પરંતુ વંદે ભારત ટ્રેનોમાં પણ ખરાબ ગુણવત્તાવાળા ખોરાકની ફરિયાદો નોંધાય છે. ગયા વર્ષે, રેલ્વે મુસાફરોએ આગ્રા-વારાણસી વંદે ભારત ટ્રેનમાં ખરાબ ગુણવત્તાવાળા ખોરાકની ફરિયાદો વારંવાર કરી છે. કામાખ્યા-ગુવાહાટી તેજસ એક્સપ્રેસમાં પણ હલકી ગુણવત્તાવાળા ખોરાકની ફરિયાદો આવી છે.
તાજેતરમાં, અનિતા સિંહ નામની એક મુસાફરએ ફરિયાદ કરી હતી કે તેમને પીરસવામાં આવતો ખોરાક રોટલી અને પાપડ જેટલો કઠણ હતો, જ્યારે પનીર અને દાળ વાસી હતી. રવિ નામના અન્ય મુસાફરે લખ્યું હતું કે તેમને ભોપાલ વંદે ભારત ટ્રેનમાં પીરસવામાં આવતા ખોરાકમાં વંદો જોવા મળ્યો હતો. રેલ્વે દાવો કરે છે કે તેમના રસોડા સ્વચ્છ છે અને લોકોને સ્વચ્છ ખોરાક મળે છે.
રેલ્વે પાસે મુસાફરોની ફરિયાદોને દૂર કરવા માટે હેલ્પલાઇન નંબર અને સોશિયલ મીડિયા પ્લેટફોર્મ છે. જો કોઈ મુસાફરની ફરિયાદ સાચી હોય, તો રેલ્વે કેટરિગ કોન્ટ્રાક્ટરોને દંડ ફટકારવામાં આવે છે.
(9:57 AM IST)
છેલ્લા 8 દિવસમાં સૌથી લોકપ્રિય 
