તા. ૧ સપ્ટેમ્બર ર૦ર૫ વિક્રમ સંવત ર૦૮૧ ભાદરવો સુદ – ૯ સોમવાર
અમેરિકા-ઈરાન વચ્ચે યુદ્ધની તૈયારીઓઃ ટ્રમ્પે ૫૦ ફાઇટર જેટ મોકલ્યા
જીનીવામાં અમેરિકા અને ઈરાન વચ્ચે પરોક્ષ પરમાણુ વાટાઘાટો ચાલી રહી છે, પરંતુ તણાવ ઓછો થતો નથી
વોશીંગ્ટનઃ તા.૧૮,અમેરિકા અને ઈરાન વચ્ચે યુદ્ધ અટકાવવા માટે દરેક પ્રયાસ કરવામાં આવી રહ્યો છે. પરંતુ સત્ય એ છે કે જીનીવામાં વાટાઘાટો દરમિયાન પણ તણાવ ઓછો થવાના કોઈ સંકેત દેખાતા નથી. બંને દેશો ચાલુ વાટાઘાટો યોગ્ય દિશામાં છે કે નહીં તે અંગે સહમત થતા નથી. ઈરાને મંગળવારે કહ્યું હતું કે તે સંઘર્ષ ટાળવા માટે અમેરિકા સાથે વાટાદ્યાટોના કરાર માટે ‘‘માર્ગદર્શક સિદ્ધાંતો'' પર સંમત થયો છે. જોકે, યુએસ વાઇસ પ્રેસિડેન્ટ જેડી વાન્સે જણાવ્યું હતું કે ઈરાની સરકારે હજુ સુધી અમેરિકાની બધી જ લાલ રેખાઓ સ્વીકારી નથી.
આ વાટાદ્યાટોના ટેબલ પર તણાવ છે. દરમિયાન, બંને દેશો એકબીજાને લશ્કરી બળથી ધમકી આપી રહ્યા છે. રાષ્ટ્રપતિ ટ્રમ્પની સેનાએ મધ્ય પૂર્વમાં F-22s, F-35s અને F-16s સહિત ૫૦ થી વધુ ફાઇટર જેટ તૈનાત કર્યા છે, ત્યારે ઈરાની સુપ્રીમ લીડરએ મધ્ય પૂર્વમાં તૈનાત કોઈપણ યુએસ યુદ્ધ જહાજને પોતાની મરજી મુજબ ડૂબાડી દેવાની ધમકી આપી છે.
યુએસ પ્રમુખ ડોનાલ્ડ ટ્રમ્પ, ઈરાન સાથે લશ્કરી તણાવ દ્યટાડવાને બદલે, તેમને વધારી રહ્યા હોય તેવું લાગે છે. જાન્યુઆરીના અંતમાં, ટ્રમ્પે યુએસ યુદ્ધ જહાજ યુએસએસ અબ્રાહમ લિંકન અને તેની સાથેના સહાયક યુદ્ધ જહાજોને મધ્ય પૂર્વમાં મોકલ્યા. ત્યારબાદ, પાંચ દિવસ પહેલા, સમાચાર આવ્યા કે યુએસએ બીજા યુદ્ધ જહાજ, યુએસએસ ગેરાલ્ડ આર. ફોર્ડ અને તેના સહાયક યુદ્ધ જહાજોને મધ્ય પૂર્વમાં મોકલવાનો આદેશ આપ્યો છે.
એટલું જ નહીં, યુએસએ છેલ્લા ૨૪ કલાકમાં ૫૦ થી વધુ ફાઇટર જેટ પણ તૈનાત કર્યા છે. એક યુએસ અધિકારીએ એક્સિઓસને જણાવ્યું હતું કે છેલ્લા ૨૪ કલાકમાં ૫૦ થી વધુ ફાઇટર જેટને આ પ્રદેશમાં ખસેડવામાં આવ્યા છે. આ ત્યારે થઈ રહ્યું હતું જયારે જીનીવામાં યુએસ અને ઈરાની અધિકારીઓ વચ્ચે પરોક્ષ પરમાણુ વાટાદ્યાટોનો બીજો રાઉન્ડ ચાલી રહ્યો હતો.
(10:28 AM IST)
છેલ્લા 8 દિવસમાં સૌથી લોકપ્રિય 
