ઈઝરાયેલમાં બે ભારતીય શ્રમિકો પર નિર્મમ હુમલો : સ્થાનિકોએ ઢોર માર મારતા ચકચાર, ભારત સરકારે નોંધાવ્યો વિરોધ
તેલ અવીવ : ઈઝરાયેલમાં રોજગારી અર્થે ગયેલા બે ભારતીય શ્રમિકો પર અજાણ્યા સ્થાનિક શખ્સો દ્વારા ઘાતકી હુમલો કરવામાં આવ્યો હોવાની આઘાતજનક ઘટના સામે આવી છે. આ બંને કામદારોને લાકડીઓ અને લોખંડના સળિયા વડે બેરહેમીથી માર મારવામાં આવ્યો હતો, જેના કારણે તેમને ગંભીર ઈજાઓ પહોંચી છે. હાલમાં બંને ઈજાગ્રસ્તોને સ્થાનિક હોસ્પિટલમાં સારવાર માટે દાખલ કરવામાં આવ્યા છે. આ ઘટનાનો વીડિયો સોશિયલ મીડિયા પર વાયરલ થયા બાદ ભારતીય સમુદાયમાં ભારે રોષની લાગણી ફેલાઈ છે.
ભારતીય દૂતાવાસે આ બાબતને અત્યંત ગંભીરતાથી લીધી છે અને ઈઝરાયેલના વિદેશ મંત્રાલય સમક્ષ કડક શબ્દોમાં રજૂઆત કરી છે. દૂતાવાસના અધિકારીઓ સતત સ્થાનિક પોલીસના સંપર્કમાં છે અને હુમલાખોરોની વહેલી તકે ધરપકડ કરવાની માંગ કરી છે. પ્રાથમિક તપાસમાં એવું જાણવા મળ્યું છે કે શ્રમિકો જ્યારે પોતાના કામ પરથી પરત ફરી રહ્યા હતા ત્યારે કોઈ કારણ વગર તેમની સાથે બોલાચાલી કરવામાં આવી હતી જે બાદમાં હિસક હુમલામાં ફેરવાઈ ગઈ હતી. ઈઝરાયેલ સરકારે આ ઘટનાની નિદા કરી છે અને ન્યાયિક તપાસની ખાતરી આપી છે.
નવી દિલ્હીમાં પણ આ મુદ્દે હલચલ જોવા મળી રહી છે. વિદેશ મંત્રાલયે સ્પષ્ટ કર્યું છે કે વિદેશમાં વસતા ભારતીય નાગરિકોની સુરક્ષા અમારી સર્વોચ્ચ પ્રાથમિકતા છે. વડાપ્રધાન નરેન્દ્રભાઈ મોદીના નેતૃત્વ હેઠળની સરકાર આ મામલે સતર્ક છે અને ઈજાગ્રસ્તોને તમામ શક્ય મદદ પૂરી પાડવાની સૂચના આપી છે. આ મામલે કેન્દ્રીય મંત્રી અમિતભાઈ શાહ અને ગુજરાતના મુખ્યમંત્રી ભુપેન્દ્રભાઈ પટેલ પણ સ્થિતિ પર નજર રાખી રહ્યા છે, કારણ કે હુમલાનો ભોગ બનેલા શ્રમિકોમાં ભારતના અન્ય રાજ્યોના યુવાનોનો પણ સમાવેશ થાય છે.
ગુજરાતના ગૃહ રાજ્યમંત્રી હર્ષભાઈ સંઘવીએ પણ આ ઘટના અંગે ચિતા વ્યક્ત કરી છે અને પ્રભાવિત પરિવારોને સાંત્વના આપી છે. તેમણે જણાવ્યું કે રાજ્ય સરકાર કેન્દ્ર સરકાર સાથે સંકલનમાં રહીને યોગ્ય પગલાં ભરી રહી છે. ઈઝરાયેલમાં હાલમાં હજારો ભારતીય શ્રમિકો વિવિધ પ્રોજેક્ટ્સમાં કામ કરી રહ્યા છે, ત્યારે આ પ્રકારની ઘટનાથી તેમની સુરક્ષા સામે મોટા પ્રશ્નો ઊભા થયા છે. સ્થાનિક પોલીસ દ્વારા સીસીટીવી ફૂટેજના આધારે આરોપીઓની શોધખોળ તેજ કરવામાં આવી છે અને આગામી દિવસોમાં આ મામલે કડક કાર્યવાહી થવાની સંભાવના છે.
(2:56 PM IST)
છેલ્લા 8 દિવસમાં સૌથી લોકપ્રિય 
