છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ટેરિફ રદ થતા અમેરિકી પ્રેસિડેન્ટ ભડક્યાઃ ચુકાદાને ગણાવ્યો અમેરિકા વિરોધી ન્યાયાધીશોની સત્તા મર્યાદિત કરવાના સંકેત આપતા ખળભળાટ
સુપ્રીમ કોર્ટના ચુકાદાથી છંછેડાડાયેલા ટ્રમ્પનો ન્યાયતંત્ર પર પ્રહારઃ હવે મારે કોર્ટો અંગે પણ ગંભીરતાથી વિચારવું પડશે : વોશિંગ્ટનમાં બંધારણીય કટોકટીના એંધાણઃ ટ્રમ્પે કહ્યું, ન્યાયતંત્ર દેશની આર્થિક સુરક્ષાને જોખમમાં મૂકી રહ્યું છેઃ ન્યાયાધીશો અર્થતંત્રને સમજી શકતા નથી
વોશિંગ્ટન તા.21: અમેરિકાની સુપ્રીમ કોર્ટે ડોનાલ્ડ ટ્રમ્પ દ્વારા વિશ્વભરના દેશો પર લાદવામાં આવેલા આયાત શુલ્ક (ટેરિફ) ને ગેરબંધારણીય જાહેર કરતા જ અમેરિકામાં રાજકીય ગરમાવો ચરમસીમાએ પહોંચ્યો છે. આ ચુકાદા બાદ પ્રમુખ ટ્રમ્પે અત્યંત આક્રમક વલણ અપનાવતા ન્યાયતંત્રની સ્વાયત્તતા પર જ સવાલ ઉઠાવ્યા છે. તેમણે એક નિવેદનમાં જણાવ્યું છે કે, આ ચુકાદો દેશના હિતમાં નથી અને હવે મારે કોર્ટો અંગે પણ કંઈક વિચારવું પડશે. ટ્રમ્પના આ નિવેદને અમેરિકામાં વહીવટીતંત્ર અને ન્યાયતંત્ર વચ્ચે સીધા સંઘર્ષની સ્થિતિ પેદા કરી છે.
ડિજિટલ મીડિયા પ્લેટફોર્મ્સ અને આંતરરાષ્ટ્રીય સમાચાર સંસ્થાઓના અહેવાલ અનુસાર, ડોનાલ્ડ ટ્રમ્પ સુપ્રીમ કોર્ટના 6-3 ના ચુકાદાથી અત્યંત નારાજ છે. સુપ્રીમ કોર્ટે સ્પષ્ટ કર્યું કે ટ્રમ્પે 'ઇન્ટરનેશનલ ઇમરજન્સી ઇકોનોમિક પાવર્સ એક્ટ' (આઈ.ઈ.ઈ.પી.એ.) નો જે ઉપયોગ કર્યો તે સત્તાની મર્યાદા બહાર હતો.
આના જવાબમાં ટ્રમ્પે વ્હાઇટ હાઉસમાં યોજાયેલી એક બેઠક દરમિયાન અને પોતાના સોશિયલ મીડિયા એકાઉન્ટ પર કોર્ટની ટીકા કરતા કહ્યું કે, ન્યાયાધીશો અર્થતંત્રને સમજી શકતા નથી અને જો તેઓ પ્રમુખના રાષ્ટ્રીય સુરક્ષાના નિર્ણયોમાં અવરોધ લાવશે, તો મારે આ સિસ્ટમ્સમાં સુધારા કરવા પર વિચાર કરવો પડશે.
ટ્રમ્પના આ નિવેદનને નિષ્ણાતો બે રીતે જોઈ રહ્યા છેઃ
1. ન્યાયાધીશોની નિમણૂકઃ ટ્રમ્પ ભવિષ્યમાં ફેડરલ કોર્ટોમાં એવા ન્યાયાધીશોની નિમણૂક કરી શકે છે જે તેમની વિચારધારાને વરેલા હોય.
2. કાયદાકીય મર્યાદાઃ તેઓ સંસદ (કોંગ્રેસ) દ્વારા એવો કાયદો લાવવાનો પ્રયત્ન કરી શકે છે જે ચોક્કસ આર્થિક કે સુરક્ષાના કેસોમાં કોર્ટની દરમિયાનગીરી મર્યાદિત કરે.
વિશ્વભરના મીડિયાનું વિશ્લેષણઃ
અંગ્રેજી મીડિયા (સી.એન.એન., વોશિગ્ટન પોસ્ટ): અહેવાલો મુજબ, ટ્રમ્પનું આ વલણ અમેરિકાના લોકશાહી માળખા માટે પડકારરૂપ બની શકે છે. 150 અબજ ડોલરના રિફન્ડનો આદેશ ટ્રમ્પના અહમ માટે મોટો ફટકો છે.
હિન્દી અને ઉર્દૂ ન્યૂઝ પોર્ટલઃ મીડિયા અનુસાર, ટ્રમ્પના આ બેકઅપ પ્લાન માં ચીન અને ભારત જેવા દેશો પર ફરીથી નવા કાયદા હેઠળ ટેરિફ લાદવાની તૈયારી હોઈ શકે છે.
ગુજરાતી મીડિયાઃ સ્થાનિક સ્તરે પણ વેપારીઓ અને નિકાસકારોમાં ચર્ચા છે કે જો ટ્રમ્પ કોર્ટના આદેશનો અનાદર કરીને કોઈ નવો વટહુકમ લાવશે, તો વૈશ્વિક ટ્રેડ વોર વધુ વકરશે.
વૈશ્વિક બજારમાં ફાળ
ટ્રમ્પના આકરા નિવેદન બાદ વોલ સ્ટ્રીટ અને એશિયન બજારોમાં થોડી અનિﾍતિતા જોવા મળી છે. જો પ્રમુખ અને ન્યાયતંત્ર વચ્ચે ટકરાવ વધશે, તો તેની સીધી અસર ડોલરની કિમત અને આંતરરાષ્ટ્રીય શેરબજારો પર પડશે.
150 અબજ ડોલરનો પેચ
સુપ્રીમ કોર્ટે માત્ર ટેરિફ રદ નથી કર્યા, પણ જે નાણાં વસૂલવામાં આવ્યા છે તે આયાતકારોને પરત આપવા માટે પણ માર્ગ મોકળો કર્યો છે. જો ટ્રમ્પ આ રિફન્ડ રોકશે, તો તે કન્ટેમ્પ્ટ ઓફ કોર્ટ (અદાલતની અવમાનના) ગણાશે. શું ટ્રમ્પ ન્યાયતંત્રની ધરપકડની ધમકી કે બરતરફી સુધી જશે? તે મોટો સવાલ છે.
(2:12 PM IST)
