રશિયા સાથે ચાલી રહેલા યુદ્ધને રોકવાના પ્રયાસો વચ્ચે યુક્રેનના રાષ્ટ્રપતિ વોલોડિમિર ઝેલેન્સ્કી અને અમેરિકાના રાષ્ટ્રપતિ ડોનાલ્ડ ટ્રમ્પે ફોન પર મહત્વપૂર્ણ ચર્ચા કરી છે. આ વાતચીત સ્વિટ્ઝર્લેન્ડના જીનીવામાં યોજાનારી આગામી શાંતિ મંત્રણાના થોડા સમય પહેલાં જ થઈ છે. પ્રાપ્ત વિગતો અનુસાર, બંને નેતાઓએ જીનીવામાં થનારી દ્વિપક્ષીય બેઠકના એજન્ડા અંગે વિગતવાર ચર્ચા કરી હતી. 

ઝેલેન્સ્કીએ માહિતી આપતા જણાવ્યું હતું કે આ વાતચીતમાં ટ્રમ્પના વિશેષ દૂતો પણ જોડાયા હતા. યુક્રેન માટે આ શિયાળો ખૂબ જ કપરો રહ્યો છે, અને અમેરિકા તરફથી મળતી એર ડિફેન્સ મિસાઈલોએ મોટો ભાગ ભજવ્યો છે. બંને નેતાઓ વચ્ચે શાંતિ મંત્રણાને ટોચના નેતાઓના સ્તર સુધી લઈ જવા અંગે પણ સહમતિ સધાઈ છે, જેથી યુદ્ધનો કાયમી અંત લાવી શકાય. માર્ચ મહિનાની શરૂઆતમાં ત્રિપક્ષીય બેઠક યોજવાની તૈયારીઓ પણ ચાલી રહી છે. *