પૌડી ગઢવાલ:ઉત્તરાખંડના મુખ્યમંત્રી પુષ્કર સિંહ ધામીએ આજે પૌડી ગઢવાલના 'નાર વેલી મહોત્સવ'માં હાજરી આપી કોંગ્રેસ અને રાહુલ ગાંધી વિરુદ્ધ મોરચો ખોલ્યો છે. કોટદ્વારની ચર્ચિત 'મોહમ્મદ દીપક' વાળી ઘટનાનો ઉલ્લેખ કરતા સીએમ ધામીએ આરોપ લગાવ્યો કે કોંગ્રેસ માત્ર એવા લોકોને જ સંરક્ષણ આપે છે જેઓ પોતાની ઓળખ બદલીને સમાજમાં ભ્રમ અને અરાજકતા ફેલાવવાનું કામ કરે છે. તેમણે સ્પષ્ટ ચેતવણી આપી કે દેવભૂમિમાં કોંગ્રેસની આવી 'દાળ' હવે ગળવાની નથી.

    મુખ્યમંત્રીએ રાહુલ ગાંધી પર પ્રહાર કરતા કહ્યું કે, "જ્યારે દીપક પોતાની ઓળખ બદલીને મોહમ્મદ બની જાય છે, ત્યારે તરત જ તેને કોંગ્રેસ તરફથી ઈફ્તાર પાર્ટીના આમંત્રણો મળવા લાગે છે." તેમણે વધુમાં ઉમેર્યું કે રાજ્યમાં સક્રિય 'અર્બન નક્સલ' ગેંગ અને તુષ્ટિકરણની રાજનીતિ કરનારા તત્વોને કોંગ્રેસનું પીઠબળ મળી રહ્યું છે. ધામીએ કોંગ્રેસના નેતૃત્વને કઠઘરામાં ઊભા કરતા પૂછ્યું કે શા માટે તેઓ હંમેશા એવા તત્વોની પડખે ઊભા રહે છે જેઓ હિન્દુ ઓળખ સાથે છેડછાડ કરે છે?
    આ દરમિયાન સીએમ ધામીએ દેવભૂમિની સંસ્કૃતિ અને સુરક્ષા પ્રત્યે પોતાની કટિબદ્ધતા દોહરાવી હતી. તેમણે કહ્યું કે ઉત્તરાખંડની પવિત્રતા સાથે છેડછાડ કરનારા કોઈપણ તત્વને છોડવામાં આવશે નહીં. કોટદ્વારની ઘટનાએ રાજ્યમાં સાંપ્રદાયિક ચર્ચાઓને વેગ આપ્યો છે ત્યારે મુખ્યમંત્રીનું આ નિવેદન રાજકીય રીતે ઘણું મહત્વનું માનવામાં આવે છે. આગામી સમયમાં આ મુદ્દે ભાજપ અને કોંગ્રેસ વચ્ચે શાબ્દિક યુદ્ધ વધુ તેજ બને તેવા પૂરેપૂરા સંકેતો મળી રહ્યા છે