કાલથી સર્વાઇકલ કેન્સર સામે રાષ્ટ્રવ્યાપી રસીકરણ ઝુંબેશ
જેનો પ્રારંભ પીએમ મોદી અજમેરમાં કરશે : ૧૪-૧૫ વર્ષની આશરે ૧.૧૫ મિલિયન કિશોરીઓ સરકારી કેન્દ્રો પર મફત ગાર્ડાસિલ-૪ રસી મેળવશેઃ ભારતમાં વાર્ષિક ૮૦,૦૦૦ સર્વાઇકલ કેન્સરના કેસ નોંધાય છે
નવી દિલ્હી,તા.૨૭: સર્વાઇકલ કેન્સરને રોકવા માટે, કેન્દ્ર સરકાર ૨૮ ફેબ્રુઆરીએ રાષ્ટ્રવ્યાપી હ્યુમન પેપિલોમાવાયરસ (HPV) રસીકરણ ઝુંબેશ શરૂ કરી રહી છે. પ્રધાનમંત્રી નરેન્દ્ર મોદી રાજસ્થાનના અજમેરથી આ રાષ્ટ્રીય કાર્યક્રમ શરૂ કરશે. આ અભિયાન હેઠળ, દેશભરમાં ૧૪ વર્ષની આશરે ૧.૧૫ મિલિયન કિશોરીઓ સરકારી આરોગ્ય કેન્દ્રો પર મફત ણ્ભ્સ્ રસી મેળવશે.
આરોગ્ય અને પરિવાર કલ્યાણ મંત્રાલય અને રાષ્ટ્રીય આરોગ્ય મિશન દ્વારા જારી કરાયેલા પત્ર અનુસાર, બધા રાજ્યો અને કેન્દ્રશાસિત પ્રદેશો વર્ચ્યુઅલી લોન્ચ પ્રોગ્રામમાં જોડાશે અને તે જ દિવસે પોતાના રસીકરણ શરૂ કરશે.
સરકારી માહિતી અનુસાર, ભારતમાં દર વર્ષે ષીઓમાં સર્વાઇકલ કેન્સરના આશરે ૮૦,૦૦૦ નવા કેસ નિદાન થાય છે, જ્યારે આશરે ૪૨,૦૦૦ મહિલાઓ આ રોગથી મૃત્યુ પામે છે. નિષ્ણાતો કહે છે કે મોટાભાગના કેસ માનવ પેપિલોમાવાયરસ (HPV) ચેપ સાથે જોડાયેલા છે, જેને રસીકરણ દ્વારા અટકાવી શકાય છે.
એઈમ્સ દિલ્હીના ષીરોગ વિભાગના ભૂતપૂર્વ વડા અને એઈમ્સ ભટિડાના પ્રમુખ પદ્મ શ્રી ડો. નીરજા બાટલાએ જણાવ્યું હતું કે HPV રસી સર્વાઇકલ કેન્સરને રોકવામાં અસરકારક છે અને બધી પાત્ર કિશોરીઓએ રસી લેવી જોઈએ. તેમણે એમ પણ કહ્યું હતું કે ૩૦ વર્ષની ઉંમર પછીની ષીઓએ વહેલા નિદાનની ખાતરી કરવા માટે ઓછામાં ઓછી એક સર્વાઇકલ કેન્સર સ્ક્રીનીંગ કરાવવી જોઈએ.
ઝુંબેશના ભાગ રૂપે, કિશોરીઓમાં ગાર્ડાસિલ-૪ રસીનો એક ડોઝ આપવામાં આવશે. આયુષ્માન આરોગ્ય મંદિર (પ્રાથમિક આરોગ્ય કેન્દ્રો), સામુદાયિક આરોગ્ય કેન્દ્રો, જિલ્લા હોસ્પિટલો અને સરકારી તબીબી કોલેજોમાં રસીકરણ હાથ ધરવામાં આવશે. તમામ કેન્દ્રો પર તાલીમ પામેલા તબીબી સ્ટાફ અને જરૂરી સુવિધાઓ ઉપલબ્ધ રહેશે. સરકાર વ્યાપક રસીકરણ દ્વારા ભવિષ્યમાં સર્વાઇકલ કેન્સરના કેસ અને મૃત્યુમાં નોંધપાત્ર ઘટાડો કરવાનો લક્ષ્ય રાખે છે.
આ અભિયાન ત્રણ મહિના સુધી ચાલશે. ૨૮ ફેબ્રુઆરીએ ૧૪ વર્ષની થઈ ગયેલી છોકરીઓ તેમજ ૧૫ વર્ષની ન થઈ હોય તેવી છોકરીઓ રસીકરણ કરાવી શકે છે. રસીકરણ અભિયાન સમયે પાત્ર છોકરીઓની ઉંમર ૧૪ થી ૧૫ વર્ષની વચ્ચે હોવી જોઈએ.
(9:57 AM IST)
છેલ્લા 8 દિવસમાં સૌથી લોકપ્રિય 
