યુએઈમાં ઘણા પંજાબીઓ ફસાયાઃ કેટલાક પાસે પૈસા નથી તો કેટલાક દવા માટે તરસ્યા
ઈરાન-ઈઝરાયલ સંઘર્ષ
ચંદીગઢ તા.૨: ઈરાન-ઈઝરાયલ સંઘર્ષ વચ્ચે, ઘણા પંજાબી પરિવારો સંયુક્ત આરબ અમીરાત (યુએઈ) માં ફસાયા છે. તેમાંના મોટાભાગના પ્રવાસીઓ એવા છે જેઓ વિવિધ દેશોમાં ગયા હતા પરંતુ ફલાઇટ રદ થવાને કારણે પાછા ફરી શક્યા ન હતા.
પંજાબના એનઆરઆઈ મંત્રી ડો. રવજોત સિહે યુએઈમાં ફસાયેલા પીડિતો સાથે ફોન પર વાત કરી. એક પરિવારે તેમને કહ્યું કે એરપોર્ટ પર તેમની સાથે ૬૦ થી ૭૦ પંજાબી પરિવારો હતા. શનિવારે શારજાહથી અમૃતસરની ફલાઇટ હતી, પરંતુ ત્યાંથી ફલાઇટ રદ કરવામાં આવી હતી. તેમણે ફોન દ્વારા દૂતાવાસનો સંપર્ક કરવાનો પ્રયાસ કર્યો પરંતુ નંબર વ્યસ્ત હોવાથી તેઓ શક્યા નહીં.
પીડિત વ્યક્તિએ જણાવ્યું કે તેમને એક હોટલમાં રાત વિતાવવી પડી. જોકે, શનિવારે સવારે એક પરિચિતનો સંપર્ક કર્યા પછી, તેઓ તેના ઘરે પાછા ફર્યા. તેઓ સતત દૂતાવાસનો સંપર્ક કરી રહ્યા છે.
તેવી જ રીતે, એરપોર્ટ બંધ થવાને કારણે ભટિડાનું એક દંપતી દુબઈમાં ફસાયેલું છે. તેમણે જણાવ્યું હતું કે તેમની પાસે પૈસા ખતમ થઈ ગયા છે અને તેમની પાસે જરૂરી દવાઓ નથી. તેમણે કેન્દ્ર સરકારને તાત્કાલિક સહાય માટે અપીલ કરી છે. વિધાનસભાના અધ્યક્ષ કુલતાર સિહ સંધવાને પણ પીડિતનો વીડિયો સોશિયલ મીડિયા પર શેર કર્યો છે.
પંજાબના NRI મંત્રી ડો. રવજોતે વિદેશ મંત્રી ડો. એસ. જયશંકરને પત્ર લખીને ત્યાં ફસાયેલા પંજાબના રહેવાસીઓને સુરક્ષિત પરત લાવવાની ખાતરી કરવા વિનંતી કરી છે. પત્રમાં કહેવામાં આવ્યું છે કે પરિસ્થિતિ ખૂબ જ ચિંતાજનક છે અને ટૂંક સમયમાં એક બેઠક બોલાવવી જોઈએ જેથી ત્યાં ફસાયેલા લોકોને સહાય પૂરી પાડવા માટે યોગ્ય પગલાં લઈ શકાય.
તેવી જ રીતે, પંજાબ કોંગ્રેસના પ્રમુખ અમરિદર સિંહ રાજા વારિગે કહ્યું, ૅપંજાબીઓ સહિત હજારો ભારતીયો મધ્ય પૂર્વના વિવિધ દેશોમાં કામ કરે છે, પરંતુ વર્તમાન કટોકટીને કારણે તેમને મદદની જરૂર છે. હું વડા પ્રધાન નરેન્દ્ર મોદી અને વિદેશ પ્રધાન ડો. એસ. જયશંકરને અપીલ કરું છું કે તેઓ શક્ય તેટલી વહેલી તકે લોકોને સલામત સ્થળોએ ખસેડવાની વ્યવસ્થા કરે.
(9:54 AM IST)
છેલ્લા 8 દિવસમાં સૌથી લોકપ્રિય 
