પાકિસ્તાનના નુરખાન એરબેઝ પર અફઘાનિસ્તાન દ્વારા હુમલો
ભારતે ઓપરેશન સિંદૂર દરમિયાન બ્રહ્મોસથી નાશ કર્યો હતો
કાબુલ/ઇસ્લામાબાદ,તા.૨: કાબુલ/ઇસ્લામાબાદ અફઘાનિસ્તાનમાં તાલિબાન શાસને અનેક પાકિસ્તાની લશ્કરી સ્થાપનો પર હુમલો કરવાનો દાવો કર્યો છે, જેમાં રાવલપિડીમાં પાકિસ્તાન વાયુસેનાના મુખ્ય એરબેઝ નૂર ખાન એરબેઝનો સમાવેશ થાય છે. ભારતે ગયા વર્ષે મે મહિનામાં ઓપરેશન સિંદૂર દરમિયાન નૂર ખાન એરબેઝને નિશાન બનાવ્યું હતું. તાલિબાનના સંરક્ષણ મંત્રાલયે જણાવ્યું હતું કે તેણે રવિવારે પાકિસ્તાની લશ્કરી સ્થળોને નિશાન બનાવ્યા હતા, જેમાં નૂર ખાન એરબેઝ, બલુચિસ્તાનના ક્વેટામાં ૧૨મી કોર્પ્સ અને ખૈબર પખ્તુનખ્વાના મોહમંદ એજન્સીમાં ખ્વિજો લશ્કરી કેમ્પ સહિત અનેક અન્ય સ્થળોનો સમાવેશ થાય છે.
અફઘાન મીડિયા આઉટલેટ ટોલો ન્યૂઝે સંરક્ષણ મંત્રાલયને ટાંકીને અહેવાલ આપ્યો છે કે શનિવાર અને રવિવારે રાત્રે કાબુલ, બગ્રામ અને અન્ય ઘણા વિસ્તારોમાં પાકિસ્તાન દ્વારા કરાયેલા બોમ્બમારાનો જવાબ આપવા માટે આ હુમલા કરવામાં આવ્યા હતા. મંત્રાલયે દાવો કર્યો હતો કે આ હુમલાઓમાં પાકિસ્તાની સૈન્યને ભારે નુકસાન થયું છે.
અફઘાનિસ્તાન અને પાકિસ્તાન વચ્ચે સંઘર્ષ ચાલી રહ્યો છે. પાકિસ્તાન કહે છે કે ૪૧૫ તાલિબાન લડવૈયાઓ માર્યા ગયા છે. દરમિયાન, અસીમ મુનીરના પાકિસ્તાની વાયુસેનાને મોટો ઝટકો લાગ્યો છે. અફઘાન સંરક્ષણ મંત્રાલયે જણાવ્યું છે કે તેની વાયુસેનાએ અનેક મહત્વપૂર્ણ પાકિસ્તાની લશ્કરી સ્થાપનો પર હવાઈ હુમલા કર્યા છે. નિવેદનમાં કહેવામાં આવ્યું છે કે રાવલપિંડીમાં નૂર ખાન એરબેઝ, ક્વેટામાં ૧૨મી કોર્પ્સ હેડક્વાર્ટર, ખૈબર પખ્તુનખ્વાના મોહમ્મદ એજન્સી વિસ્તાર અને અન્ય અનેક લશ્કરી સ્થાપનોને નિશાન બનાવવામાં આવ્યા હતા. અફઘાનિસ્તાનના નિવેદનમાં કહેવામાં આવ્યું છે કે હુમલાઓ ચોકસાઈ સાથે કરવામાં આવ્યા હતા અને લક્ષ્યોને ભારે નુકસાન થયું હતું. જોકે, પાકિસ્તાને હજુ સુધી સત્તાવાર રીતે હુમલાઓની પુષ્ટિ કરી નથી. પાકિસ્તાનનું નૂર ખાન એરબેઝ એ જ સ્થળ છે જ્યાં ભારતે ઓપરેશન સિદૂર દરમિયાન શક્તિશાળી બ્રહ્મોસ મિસાઇલ હુમલો કર્યો હતો.
અફઘાનિસ્તાન સંરક્ષણ મંત્રાલય કહે છે કે પાકિસ્તાન દ્વારા હવાઈ ઉલ્લંઘનના જવાબમાં આ કાર્યવાહી કરવામાં આવી હતી. નિવેદનમાં કહેવામાં આવ્યું છે કે ગઈકાલે રાત્રે અને આજે સવારે પાકિસ્તાની વિમાનોએ કાબુલ, બગ્રામ અને અન્ય ઘણા વિસ્તારોમાં ઉડાન ભરી હતી, જેને અફઘાનિસ્તાને તેના હવાઈ ક્ષેત્રનું ઉલ્લંઘન ગણાવ્યું હતું. અફઘાનિસ્તાને ચેતવણી આપી હતી કે જો પાકિસ્તાની દળો તેના હવાઈ ક્ષેત્રનું ઉલ્લંઘન કરવાનું ચાલુ રાખશે, તો તે કડક જવાબ આપશે.
આ દરમિયાન, પાકિસ્તાને દાવો કર્યો છે કે તાલિબાનને પણ નોંધપાત્ર નુકસાન થયું છે. પાકિસ્તાને અહેવાલ આપ્યો છે કે લશ્કરી કાર્યવાહીમાં અત્યાર સુધીમાં ૪૧૫ અફઘાન તાલિબાન લડવૈયાઓ માર્યા ગયા છે, અને ૫૮૦ થી વધુ ઘાયલ થયા છે. પાકિસ્તાનના માહિતી અને પ્રસારણ મંત્રીએ આ આંકડા આપ્યા છે. સોશિયલ મીડિયા પોસ્ટમાં, તરારે દાવો કર્યો છે કે પાકિસ્તાની દળોએ ઓછામાં ઓછી ૧૮૨ અફઘાન ચોકીઓનો નાશ કર્યો છે અને ૩૧ અન્યને કબજે કર્યા છે. તેમણે એવો પણ દાવો કર્યો હતો કે કાર્યવાહી દરમિયાન ૧૮૫ ટેન્ક, સશસ્ત્ર વાહનો અને તોપખાનાનો નાશ કરવામાં આવ્યો હતો, જ્યારે અફઘાનિસ્તાનમાં ૪૬ સ્થળોને હવાઈ હુમલા દ્વારા અસરકારક રીતે નિશાન બનાવવામાં આવ્યા હતા
(10:15 AM IST)
છેલ્લા 8 દિવસમાં સૌથી લોકપ્રિય 
