જામનગર:ખગોળીય ઘટનાની દ્રષ્ટિએ આજે ૩, માર્ચ ૨૦૨૬ને  મંગળવારના રોજ સિંહ રાશિમાં થનાર ચંદ્ર ગ્રહણ ઓસ્ટ્રેલિયા, નોર્થ અમેરિકા, દક્ષિણ અમેરિકા, એટલાન્ટિક, હિંદ મહાસાગર, ઇસ્ટ યુરોપ વગેરે જગ્યાએ ખગ્રાસ ચંદ્રગ્રહણ સ્વરૂપે દેખાશે.
આ ચંદ્ર ગ્રહણની શરૂઆત ૧૫.૨૦ કલાકે થશે, મધ્ય  ૧૭.૦૩ કલાકે થશે,અને મોક્ષ ૧૮.૪૮ કલાકે થશે. જ્યારે જામનગર શહેર અને આસપાસના વિસ્તારોમાં ચંદ્ર ઉગવાનો સમય ૧૮.૫૫ કલાકનો છે. એટલે
આપણે ત્યાં ચંદ્ર ક્ષિતિજ પર આવશે ત્યાર પહેલાં ગ્રહણ પૂર્ણ થઇ ગયું હશે.
   જ્યારે સૂર્ય, પૃથ્વી અને ચંદ્ર એક સરળ લીટીમાં ગોઠવાઈ અને સૂર્યમાંથી નીકળતો પ્રકાશ પૃથ્વી દ્વારા અવરોધાય ત્યારે ચંદ્ર ગ્રહણ થાય છે. પૃથ્વીનું વાતાવરણ વાદળી રંગ નું શોષણ કરી લાલ રંગને ચંદ્ર પર પહોંચાડે છે, જેથી ચંદ્ર લાલ તાંબા જેવા રંગનો દેખાશે. જેને બ્લડ મુન પણ કહેવાય છે.
  સંપૂર્ણ ચંદ્ર ગ્રહણની અવધિ ૫૮ મિનિટની રહેશે. મુંબઈ અને આસપાસ આ ગ્રહણ આંશિક સ્વરૂપે દેખાશે. હવે પછી આ પ્રકારનું ચંદ્ર ગ્રહણ ૨૦૨૮ના વર્ષમાં દેખાશે.તેમ કિરીટ શાહ સંયોજક ખગોળ મંડળ, જામનગર જણાવે છે  .