વોશિંગ્ટન: અમેરિકા અને ઈરાન વચ્ચેનો સંઘર્ષ હવે પૂર્ણ કક્ષાના યુદ્ધમાં ફેરવાઈ ગયો છે. આજે યુદ્ધના પાંચમા દિવસે ઇઝરાયેલ અને અમેરિકાના સંયુક્ત દળોએ ઈરાનના અંદાજે 2,000 સૈન્ય મથકો અને મિસાઈલ લોન્ચર્સ પર ભીષણ હુમલા કર્યા છે. ઈરાનના સર્વોચ્ચ નેતા આયાતુલ્લા અલી ખામેનીના નિધન બાદ સમગ્ર દેશમાં અરાજકતાનો માહોલ છે અને સરકારે ત્રણ દિવસના રાષ્ટ્રીય શોકની જાહેરાત કરી છે.

અમેરિકી સૈનિકોની શહાદત અને ટ્રમ્પનું નિવેદન

કુવૈતના શુઆઈબા પોર્ટ પર ઈરાની ડ્રોન હુમલામાં છ અમેરિકી સૈનિકો શહીદ થયા છે, જેમાંથી ચારની ઓળખ પેન્ટાગોન દ્વારા જાહેર કરવામાં આવી છે. અમેરિકી રાષ્ટ્રપતિ ડોનાલ્ડ ટ્રમ્પે આ હુમલાને કાયરતાપૂર્ણ ગણાવતા કહ્યું છે કે, "ઈરાન વિરુદ્ધ ઓપરેશનનો ત્રીજો તબક્કો ટૂંક સમયમાં શરૂ થશે."

વૈશ્વિક અર્થતંત્ર પર અસર

આ યુદ્ધની સીધી અસર વિશ્વબજાર પર પડી છે. કાચા તેલના ભાવ પ્રતિ બેરલ $150 ની સપાટી વટાવી ગયા છે, જેના કારણે ભારત સહિત વિશ્વભરમાં પેટ્રોલ-ડીઝલના ભાવ વધવાની આશંકા સેવાઈ રહી છે. 

ક્રિકેટ જગતમાં પણ તેની અસર જોવા મળી છે, જ્યાં ICCએ T20 વર્લ્ડ કપ 2026 ના આયોજન અંગે ગંભીર ચર્ચાઓ શરૂ કરી છે.

ભારતની તૈયારી

ભારત સરકારે ઈરાનમાં રહેતા ભારતીય નાગરિકો, ખાસ કરીને વિદ્યાર્થીઓ અને વેપારીઓને જે પણ સુવિધા મળે તેના દ્વારા તાત્કાલિક ઈરાન છોડવાની સલાહ આપી છે. બીજી તરફ, સંરક્ષણ મંત્રાલયે સરહદોની સુરક્ષા માટે રશિયા પાસેથી વધુ 5 નવી S-400 મિસાઈલ ડિફેન્સ સિસ્ટમ ખરીદવાનો નિર્ણય લીધો છે.