તા. ૧૦ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧ મંગળવાર
મોદીની યુટયુબ-ચેનલના થયા ૩ કરોડ સબસ્ક્રાઇબર્સ
વિશ્વના કોઈ પણ નેતા કરતાં સૌથી વધારે : યુટ્યુબ પ્લેટફોર્મ પર બીજા ક્રમના સૌથી વધુ ફોલોઅર્સ ધરાવતા નેતા બ્રાઝિલના ભૂતપૂર્વ પ્રેસિડન્ટ જેયર બોલ્સોનારો છે
નવી દિલ્હી તા.૫: વડા પ્રધાન મોદીની યુટ્યુબ-ચેનલે ૩ કરોડ સબસ્ક્રાઇબર્સનો માઇલસ્ટોન પાર કરી દીધો છે. હવે આ પ્લેટફોર્મ પર સૌથી વધુ ફોલોઅર્સ ધરાવતા વર્લ્ડ લીડર તરીકે વડા પ્રધાન મોદીનું સ્થાન વધુ મજબૂત બન્યું છે. ગયા મહિને નરેન્દ્ર મોદીએ ઇન્સ્ટાગ્રામ પર ૧૦૦ મિલ્યન એટલે કે ૧૦ કરોડ ફોલોઅર્સનો ઐતિહાસિક માઇલસ્ટોન પાર કર્યો હતો. નરેન્દ્ર મોદી ૨૦૧૪માં ઇન્સ્ટાગ્રામમાં જોડાયા હતા.
યુટ્યુબ પ્લેટફોર્મ પર બીજા ક્રમના સૌથી વધુ ફોલોઅર્સ ધરાવતા નેતા બ્રાઝિલના ભૂતપૂર્વ પ્રેસિડન્ટ જેયર બોલ્સોનારો છે જેમનો સબસ્ક્રાઇબર-બેઝ નરેન્દ્ર મોદી કરતાં માત્ર એક ચતુર્થાંશ છે. અમેરિકાના પ્રેસિડન્ટ ડોનલ્ડ ટ્રમ્પની તુલનામાં નરેન્દ્ર મોદી પાસે ૭ ગણાથી વધુ સબસ્ક્રાઇબર છે.
ભારતમાં પણ અન્ય નેતાઓની તુલનામાં નરેન્દ્ર મોદીના સબસ્ક્રાઇબર્સની સંખ્યા નોંધપાત્ર રીતે વધુ છે. તેમની પાસે કોન્ગ્રેસના નેતા રાહુલ ગાંધી કરતાં લગભગ ત્રણ ગણા વધુ સબસ્ક્રાઇબર્સ છે અને આમ આદમી પાર્ટી તથા ઇન્ડિયન નેશનલ કોન્ગ્રેસ કરતાં ચાર ગણા વધુ છે.
(10:51 AM IST)
છેલ્લા 8 દિવસમાં સૌથી લોકપ્રિય 
